XXII.

©raf ЖЬоЩ conftrmtrt bem Safob Ärumbefe ben 2infouf beê ®orfe$ $аыЦоt% ЩЬп 1388, Samrnr 18.

(F. 202, 2, No. �?�?3.)

Nos Adolphus, Dei gratia Comes Holsatiae et Stormariae, universis et singulis, ad quos praesentes literae pervenerint, salutem in domino et rei gestae agnoscere veritatem. Noverint universi, quod constituta coram nobis honesta domina, Margareta uxor Sifridi Swynes armigeri, de expresso consensu sui mariti non vi nec metu inducta, sed libere et sponte, meliori modo, jure et forma, quibus potuit et debuit, resignavit vitalicium suum quod habuit in tota villa Havekhorst, sita in parochia Gleskendorpe, ad fideles manus Venerabilis Viri, domini Jacobi de Crumbeke, Archediaconi terrae Tribuzes et Canonici Lubecensis. Quam quidem resignationem sic liberaliter factam Nos Adolphus Comes praedictus ad fidèles manus dicti domini Jacobi recepimus et admisimus, prout de jure debuimus. Qua resignatione sic liberaliter facta, constitutus coram nobis honestus famulus Henningus Lasbeke, alias dictus Nypperney, armiger, cui dicta villa per Sifridum Swyne praedictum fuerat obligata, publice recognovit, se dictam villam Havekhorst rite et rationabiliter vendidisse Venerabili Viro, domino Jacobo Archidiacono et Canonico supradicto pro centum et septuaginta marcis denariorum monetae Lubicensis, sibi per dictum dominum Jacobum integraliter datis, numeratis et persolutis, et per eum levatis et in suos usus conversis, cum omnibus suis attinentiis, agris cultis et incultis, aggeribus, pratis, pascuis, paludibus, cespitibus, lignis, rubetis, virgultis, aquis, aquarum decursibus, stagnis, instagnationibus aquarum, piscariis, viis, inviis, exitibus et regressibus cum suis adjacentiis, finibus, terminis et distinctionibus terminorum, ut nunc jacent, cum omni judicio supremo et infimo, videlicet manus et colli, et cum omnibus judiciis intermediis, et cum omni proprietate tam directa plenaria et libera quam utili, ecclesiastica libertate et commodidate ac emolumentis inde derivantibus et conditionibus universis, prout ad dictum Henningum Lasbeken venditorem ipsiusque praedecessorem hactenus pertinebat: sic quod dicta villa cum omni jure, fructibus, redditibus, proventibus, serviciis ac jurisdictionibus, emolumentis inde derivantibus et cum universis et singulis, quae ex jurisdictione et exces- sibus delinquentium poterunt provenire, ad dictum dominum Jacobum et suos successores et nunc et in perpetuum pertinere debebit. Promisitque dictus Henningus pro se suisque

30

haeredibus praefato domino Jacobo de Crumbeke suisque successoribus, litem seu con- troversiam per se vel alium seu alios nullatenus inferre nec inferenti consentire, sed eas cum omnibus juribus et pertinentiis suis ac in possessione ab omni homine seu universitate legitime defendere et disbrigare suis laboribus et expensis, ac omnia et singula praedicta et infrascripta rata et firma tenere perpetuo et habere. Renunciavit etiam dictus Henningus pro se suisque haeredibus in perpetuum exceptioni doli mali, non soluti precii, non justi precii, non numeratae pecuniae, rei non sic gestae, conditioni sine causa ac omni alii auxilio et beneficio tam juris quam facti, quod contra hunc contractum et quamlibet ejus partem posset objici quomodolibet vel opponi. Et nos Adolphus Comes praedictus de consilio et consensu omnium nostrorum haeredum et consiliariorum directam, plenariam ac omnino liberam proprietatem dictae villae ac omne jus, quod nobis aut nostris haeredibus competit et competere poterit quovismodo, dicto domino Jacobo de Crumbeke et suis successoribus dedimus et praesentibus donamus ac in eos totaliter perpetuo et irrevocabiliter transferimus per praesentes, libertavimusque et libertamus dictam villam et ipsius colonos ab omnibus et singulis talliis, exactionibus, gravaminibus, serviciis, precariis: ita quod coloni dictae villae nobis seu nostris haere dibus ad praedicta seu praedictorum aliquod nullatenus teneantur, excepta tamen duntaxat Lantwere generali. In super dedimus et damus dicto domino Jacobo facultatem, dictam villam cum omnibus juribus et pertinentiis suis transferendi in quascunque ecclesias seu ecclesiasticas personas, quotiens et quando sibi videbitur expedire. Insuper promisimus et praesentibus promittimus pro nobis et nostris haeredibus dicto domino Jacobo et suis successoribus. quod contra praemissa seu aliqua praemissorum non veniemus de jure vel de facto afiqua ratione vel causa. In quorum omnium et singulorum evidens testi monium sigillum nostrum ex nostra scientia certa praesentibus literis est appensum. Datum Plone, anno Domini MCCCLXXXVIII, in die beatae Priscae Virginis.