LIX.

£>ennef> Síatíow »erfauft Äurau, £>orenborf, ©ф�?тeп&тф unb Âerftenè= f)agen on ЗДaпп ©ruter. ßubet 1418, %\хщ 5.

(F. �?�?5, No. i5.)

Witlick sy alle den jennen. de dessen breff seen edder horen lesen, beyde jegenwardigen unde thokamenden, dat ick Henneke Ratlouw knape. beseten in deme stichte tho Lubeke, bekenne unde betuge apenbare in desser schrifft, dat ick mit willen, vulborde unde wolberadenem mude mines gnedigen heren Hinrikes, greven tho Holsten, Stormeren unde tho Schouwenborch. unde siner truwen Radgheven, unde mines unde

77

miner Erven unde alle der genner, der ere vulbord dar tho thoesschende was, redeliken unde rechtliken hebbe vorkoft unde uppelaten, unde vorkope unde uplate eliken in desser schrifft deme erbaren vorsichtigen manne Johanni Gruter, borger tho Lubeke, unde den jennen, de dessen breff mit sinen willen hebben, geistlick effle werlick, vor veertheinhundert mark lubesscber penninge, de my desse sulve Johan Gruter gantz unde vul bethalet heft tho miner noghe mit reden telleden lubesschen penningen by my entfangen, und de ick vord an myne unde miner Erven nottrofftige nutte uthegeven unde keret hebbe, alle dat gudt,- dat ick kofflt hebbe van deme strengen Rydder her Peter van Tisenhusen, in Lyfflande besethenn, dat Ыщa benomet steyt, unde my vrygh unde loss van mynen gnedigen herrn Greven Hinrike vorbenomet vorlenet iss, alse den hoff~ tho der Schonenkampe mit der molen, unde wes dar belegen iss in den dorpen tho Kurouwe, tho Dokenndorpe, unde in twen hoven unde enen verendeel landes in deme dorpe unde veldmarcke tho deme Kerstenhagen, thosamende belegen in deme karspele tho Kurouwe unde stichte tho Lubeke vorgeschreven. Alle desses vorbenomeden gudes schal desse vorschrevene Johan Gruter, unde we desse breve mit sinem willen heft, bru- kende wesen unde doen darmede tho ewigen tyden, wes en nuttest unde best evene komet unde schal dit hebben unde besitten mit alle sinen thobehoringen, alse mit hoven unde ackere, buwett unde ungebuwett, mit wisschen, weyden, broke, more, torve, mit holten, bussche, stude, mit watere, waterlope, waterstouwinge, vlete, springen, dyken, visschen unde visscherigen, mit den wegen, inwegen unde uthwegen, mit den enden unde landtscheden, alse dat myt der grund in synen veldmarken unde schedingen belegen unde begrepen ist, unde belegen hefft gewesen van oldinges; vortmer mit alleme rechte unde richte, alse in halss unde in hand unde sydest, unde mit allen richten, de dar twisschen-synd; vorder mit allem egendome, beyde rechte unde nutte, mit aller nutticheit unde makelicheit unde slichtes mit alle deme, dat dar tho horet, deme mynsten unde deme meysten. nichtes uthenomen, unde sunderliken mit der aller fullenkamesten vryg- heyd unde besittinge, alse dat desse vorbenomede her Tisenhusen unde syne olderen vor unde ick na ye vrygest hadde unde beseten hebben, so dat ock desse sulve Johan Gruter unde de holder desser breve, mit synem willen, mogen dit vorbenomede gut mit alle syner thobehoringe gantz offte en deel vorkopen, vorgeven, vorsetten, vorpanden, geistliken offte werliken personen, sunder mynen ofle myner erven edder anders nemendes vulbord dar tho thoesschende; unde wise unde zette dessen vorschre- ven Johanni Gruter in die were unde besittinge desses vorbenomeden gudes unde alle siner thobehoringe in desser schrifft. Ock schal ick unde wil unde myne Erven des- seme vorbenomeden Johanni Gruter unde hebber desser breve alle desses vorschrevenen gudes mit alle thobehoringe waren, vryen unde entweren, alse in deme lande tho Hol stein recht ist, van aller ansprake enes jewelkeñ, de dar mit rechte up spreken wolden

78

tinde vor recht kamen willen, up myne unde myner erven eghene koste, schaden unde eventure, alse ock inholden unde uthwisen mynes vorschreven Herrn Greven Hinrikes breve, de ock up dessen sulven koep geschreven unde besegelt synd. Jodoch dorch sunderliker gunst willen unde gnade hefft ock desse ergenomede Johan Gruter vor sick unde sine nakomelinge in dessem gude mit gudem willeu gundt unde overgheven, dat ick Henneke Ratlouw, knape vorbenomet, unde myne rechten erven mogen tho ewigen tiden alle dit vorschrevene ghud mit alle synen thobehoringen wedderkopen, wan wy willen, vor veertheinhundert mark lubesscher penninge', deme hebber desser breve mit Johan Gruters willen, bynnen Lubeke thobethalende in eyner summen mit golde effte sulver- penningen, de den tho Lubeke genge unde gheve synd. Unde wan ick offte myne rechten Erven dessen wedderkop don wolden, so schal ick effte myne Erven den holder desser breve up Sunte Martens dach en gantz vul jar tho voren thoseggen unnde den wedderkopp kundigen, unde den dar tho volgen laten alle vorschreven renthe unde hure, de van deme jare negest vorghan uppe de tidt der bethalinge boren mach, unde ock mit der broke, offt dar wes nastunde, de mit rechte wunnen were. Alle desse vor- schrevenen stucke love ick Henneke Ratlouwe, knape vorbenomet, vor my unde mvnen erven mit mynen medeloveren unde eren erven, alse Eler Ratlouwen, minem brodere, Langen Detleve Boekwolden thorSyraven, Hinrike Brocktorpp, hern Hinrikes sone, Detleffe Walstorpe, hern Detleves sone, unde Lemmeken van Boekwolde, hern Volrades soene, desseme vorbenomeden Johanni Gruter, unnde deme holder desser breve mit sinem willen, in guden truwen unde loven stede unde vast thoholdende sunder alle argeliste unde hulperede jenighes rechtes. Unnde wy Eler Ratlouwe, desses vorschreven Henneken broder, lange Detleff van Roekwolde tho der Syrawe, Hinrick Broektorp, hern Hinrikes sone, Detleff Walstorp, her Detleves sone, unde Lemmeke van Boekwolde, hern Vol rades soene, knapen, wente desse vorschrevene koepp uns witlick ist unde wolbekandt, so lave wy ock vor uns unde unse Erven mit Henneken Ratlouwen, knapen vorbenomet, unde synen Erven alle vorschreven stucke mit eyner samenden hand, unde ein jewelke besunderen, Johanni Gruter, borgere tho Lubeke vorschreven, unde deme gennen, de desse breve mit synen willen hefft, geistlick offte werlick, stede unde vast tho holdende in guden truwen unde geloven, sunder jennigerleye argelist unde hulperede jenighes rechtes. Unde desses tho groterer tuchenisse unde verwaringhe hebbe wy Henneke, Eler, Lange Detleff, Hinrick, Detleff unde Lemmeke, knapen vorbenomet, vor uns unde unse Erven unsse ingesegele mit gudem willen unde witschupp an dessen breff gehengett, de geven is tho Lubeke unde schreven na Gades bord veertheinhundert jaer;, dama in deme achteinden jare, uppe Sunte Bonifacius dach des hilligen marte- lers Christi Jesu. Thugen hir tho synd de Erbaren heren unde manne, her Albert Rodenborgh domhere, her Hinrick Holthusen vicarius in der kercken tho Lubeke,

79

her Peter van Tisenhusen Ridder, Albert Lippe unde Kvert Nygenborgh, borgere tho Lubeke, unde anderer vele tuchwerdiger lude.