LXVIII.

фтпф SSrofborf ertyait t»om Softer %шèbЫ fur baè an btcfeê »erraufte £>orf ©teinrabe nod) 100 fflaхt тф, wofür er auf ben SSMeberfauf трфШ. Ttnnmt 1436, £>ecbr. 13. .

(F. �?«7, 2, jVo. S5.)

Ick Hinrick Brukdorp, Claweses soene, knape, bekenne apenbare unde bethuge in dessem breve vor alle den gennen, de ene seen edder horen lesen, wo dat kloster thor Arensboken tho langer tidt hefl gehat twe unde dnittich mark geldes jarlyker rente, de gekoft sin vor veerhundert marck lubesscher penninge in unde uth minem guede, also hoven, worden unde holtingen tho dem Stenrode, na inholdinge der breve unde instrumente, de dar up gegeven unde besegelt sind, dar ick mit minen erven van gunst unde gnade wegen den wedderkopp an hadden. Unde nu umme sunderger gunst, vruntschop unde gudes sletes willen, unde dat de lansten, de dar inne wanen, der twe rede deme closter tho hoeren, ock deste beth thofreden sin, unde dat idt under eyne heerschop kamen moge: so hebbe ick Hinrick vorbenomet mit vryem guden willen unde wolberadenem moede unde ock mit willen unde vulbort miner erven unde alle der gennen, der ere vulbort her tho esschende was, redeliken unde rechtliken vorkoft unde vorkope tho einem ewigen ervekoope, mit macht desses breves, den geistliken vederen, dem Priori unde gantzen convente» des vorschreven closters Marien Tempel tho der Arnsboken der Carthuser orden, vor hundert mark lubesscher penninge, de se my wol tho dancke bethalet hebben, unde (ick) tho miner noeghe in guden lubesschen unde rynschen gulden van ene entfangen, unde vort an mine unde miner erven nutt gekeret unde uthegeven hebbe, baven de veerhundert marck. den eghendoem alle miner vor schreven hoeven, woerde, holtinge unde kolinge des vorschreven dorpes tho dem Steen- rode mit alle eren thobehoringen, also alse in erer veltmarke, enden unde scheden belegen sint. Unde desses güdes scholen se unde mogen tho ewigen tiden bruken mit aller nutt unde denstgelde, mit allen broeken, rechte, richte, mit dem hogesten, mid- delsten unde sydesten, an handt unde hals, unde deger unde gantz mit aller vrigheit, mit allen stucken unde thobehoringen, se heten van wat namen se heten, nicht dar buten tho beschedende, my unde minen erven nichtes dar an tho beholdende jenniger- leye wys, unde mogen darmede doen, so idt ene behegelick ist tho brukende mit allem vryen egendome unde Iyck erem anderen guede, dat se dar rede hebben egentlyken tho besittende. Ock schal ick unde mine erven schullen ene des vorschreven guedes waren unde vrygen van aller ansprake enes je welken, de vor recht kamen wil, under minen effte miner erven egenen kosten unde arbeyde, sunder vortogh unde argelist.

89

Unde vortie unde vorlate vor my unde mynen Erven alles rechtes, geistlikes unde wer- likes, unde deger alles dings, dar ick unde mine Erven uns jegen dessen koop jenni- gerleye wyss mede behelpen mochten, ene wormede tho brekende effte machtlos tho makende: men wy schollen unde willen alle vorschreven stucke stede, vast unde unvor- broken holden. Alle desse vorschreven stucke love ick Hinrick vorbenomet vor my unde mine Erven den vorschreven Priori unde Convente in desser schrift stede unde vast an guden truwen tho holdende. Unde des tho ener apenbaren bethuchenisse so hebbe ick Hinrick min Ingesegel mit witschup vor my unde mine erven vor dessen breff gehenget, de geven is tho der Arensboken na gades bort Dusent veerhundert, dar na in deme sos unde druttigesten Jare an Sanctae Lucien, der helligen Junckfruwen dage. Unde umme merer vorwaringe unde witlicheid willen so sint hir thuge tho unde aver- wesen de Erbaren knapen Detleff van Boekwolde, wanaftich tho der Swynekulen, Sivert unde Wulff, broder, geheten Ratlow, Hans unde Herbert brodere, geheten Ellinxen, borgere tho Lubeke, unde hebben umme sunderliker bede willen des Prioris, Conventes unde Hinrikes willen, ere ingesegele ock vor dessen breff gehenget laten.