LVII.

©raf фитф t>on $olfrein conftrmtrt bem Âiofter 3irenêbôf bte if)tn bon ben SSrùbern фôfen »elauften Dörfer ©ntffau unb Äatteêfrog. ©e= gebera 1414, Ш\) 4.

(F. 89, No. ШО

Wy Hinrick, van Gades gnaden Greve tho Holsten, Stormeren unde tho Schou- wenborch, begeren witlick tho wesende alle den ghennen, de dessen breff zeen efte horen lesen, unde bekennen unde bethugen apenbare in desser schrifft, dat vor uns unde unsem Rade hefft gewesen unse truwe Vivianus, her Gert Hokens soene seeliger dechte- nisse, unde heft entvryet mit rechte van aller ansprake, de Hinrick Stake, Otte Mum- mendorp, Hartwich, Luder unde Iwen, brodere gebeten Reventlouwen, hadden van guder dechtenisse Gotschalkes Reventlouwen unde syner erven weghen, tho den dorpen, ghude unde rente, alse Gnessowe unde Katskroege, welcke dorpe mit alle erer thobehoringe saliger dechtenisse her Diderick Hoken unde desulve her Gerdt, sin broder, do se leveden, in dessem jegenwardigen jare vorkoften unde uplethen vor uns mit alleme rechte unde vrygheit den geistliken Erbaren luden Priori unde deme Convente des Cloesters Marien Tempel tho der Arnesboken Carthuser ordens, also de breve inneholden, de wy vor uns unde unse erven, unde her Diderick unde her Gerdt Hoken vorbenomet vor sick unde ere erven darup besegelt hebben. Unde des tho merer betuchenisse desser vor- schreven stucke, des hebbe wy unse ingesegel vor dessen breff gehenget laten, de gegeven is tho Segeberge in dem jare unses heren Dusent veerhundert veerteynden jare> des Fridages na Sanctae Walburgis dage. Thuge, de hir an und aver gewesen hebben, ßint de erlike man, her Harmen van Buren, kerckhere tho der Borch uppe

10*

76

Vemeren, unse leve kappelan, Borghert Krummedick, her Meseken soene, Hartwich Krummedik, Bosseke Krummedik, Busschen soene, Hinrick unde Gotschalk Rantzouwe, brodere, Schacken soene, unde vele ander guder truwerdige lude, unse manne unde dener.

LYII�?.

gurft фтпф beíeíwt фeteг »on Sçfen^ufen mit feines SSaterê ©ûtern.

«Reufrabt 1417, Smrç 24.

(F. 55, No. 6\9.)

Van Gades gnaden wy Hinrick, Vorste tho Stormaren, Greve tho Holsten unde tho Schowenborch, entbeden unsem getruwen her Peter Tysenhusen, ryddere, hern Bar- tholomaei sone, unsen gunst unde unsen guden willen, unde doen Jw witlick umme also dane gudt, alse gy an unsen landen unde herschoppen hebben: alse seliger dechtnisse Greve Hinrick unse vader, Greve Clawes unse vedder, unde Hertich Gherd, unse broder, Juweme vader her Bartholomaeuss in vortiden vorlenet hadden, des lene wy Jw unde Juweme oldesten soene, Bartholomaeus genomed, datsulve gud mit kraffite desses jegen- wardigen breves, alse lenes recht ist, likerwyss offte wy id Jw unde Juwem Sone erbe- nomed in unser jegenwardicheit mit hande unde mit munde vorlened hadden. Men wen gy unde Juwe sone erbenomet beyde vorstorven sin, dar Godt vor sy, so schal dat umme dat leen gaen, alse sick dat van rechtes wegen* gebored. Tho groterer tuchenisse unde witlicheid so hebbe wy unse ingesegel mit witschop gehenget laten an dessen breff, de geven iss tho der Nygenstadt, na Gades bord veertheinhundert jar, dar na an deme soventheinden jare, an Sancti Johannis Baptisten dage tho Myddensommer.