XL.

$erjo<j ©erwarb confírmtrt bem SSromolb äßorenborf baê ityn »on ben SSrilbern 3tyfení>ufen »erfaufte £>orf ШаЪЩeп. $ícm 1400, 9îo-- »ember 11.

(F. 93, No. i07.~)

In nomine domini Amen. Wy Gherdt. van des sulven Gnade Hertoge tho Sleswick. Greve tho Holsten, Stormeren unde tho Schowenborch, bekennen unde be- tugen apenbare in desseme jegenwardigen breve vor alle den jennen, de ene seen

■

51

edder horen leesen, dat vor uns hebben gewesen Johannes unde Peter brodere, her Bartholomaeus van Tyzenhuses soene, unde'bekanden apenbare, dat se mit willen unde wolberadenem mude unde mit vulbort erer rechten erven «redeliken unde rechtliken hadden vorkoft unde upgelaten, unde VorkoRen unde vorlethen, vor uns unde unseme Rade, Vromolde Warendorpe vor veerdehalffhundert mark lubesscher pennlnge, de en desulve Vromolt wol bered unde bethalet hadde tho erer noeghe, ere gantze dorpp tho deme Kellershagen, belegen in deme karspel tho der Arnesboken in dem sticbte tho Lubeke, alse dat belegen iss mit ackere buwet unde ungebuwet, wysschen, weyde, holten, mit alleme rechte unde richte, overst an hals unde an handt, middelst unde sydest, rente, hure, vrucht, nutt, neet, vryheit, egendoem unde alle syner-thobehoringe, kleine unde groeth, nicht darbuten tho beschedende, also dat Vromolt datsulve dorp schal hebben, besitten unde brnken vry unde unbeworen, unde mach dat mit alle siner thobehoringe vorkopen, vorsetten, vorgeven unde vorlaten geistlyken ofte werlyken per sonen unde dar mede doen, alset eme behegelik is sunder unsen ofte unser Erven edder anders jemandes vulbort dar tho thoesschende, alse ock uthwisen de breve, de de vorschreven Johan unde Peter hirup gegeven unde besegelt hebben. Unde des hebbe wy dor bede willen desser vorschrevnen vorkopere unde kopere, dessen vorschreven koep vor uns unde unse Erven gevestet unde stedeget, unde vesten unde steden, vulborden unde eghen in desser sulveri schrifft. Jodoch so heft desulve Vromold Wa rendorp dor sunderliker vruntschop willen des gegunth unde overgheven, dat desulven van Tysenhusen unde ere erven, dewyle dat se leven, unde na ereme dode Wy unde unse Erven mogen datsulve ghut unde dorp mit alle syner thobehoringe, alse vor schreven is, wedderkopen van Vromolde, cdder we des gudes denne tho der tydt en hebbere unde besittere is, vor veerdehalffhundert mark lubesch vorschreven, binnen Lubeke tho bethalende in ener summen uppe Sancti Martins dach, mit penningen, de denne tho Lubeke genge unde geve sint, en Jar den wedderkoep thovoren tho tho- seggende. Alle desse vorschrevenen stucke love wy Hertoge Gert vorbenomed vor uns unde unse Erven an guden truwen stede unde vast tho holdende, sunder alle argelist. Gheven tho Plone in den Jaren Gades Dusend veerhundert uppe Sancti Martins dach, des hilligen Bysschoppes. Tho tuchenisse alle desser vorschreven stucke so hebbe wy unse Ingesegel mit willen unde mit wysschop vor dessen breff gehenget laten.

52

ХЫ.

®ie fôrûber ЗДшт unb speter »on Styfentyufen »erfaufen ií)t îDorf ©re= oenzen bem SSromoíb SÖarenborf fur 350 ШxЬ Sübeí 1400, Sîowmber 11,

Witlick sy alle den jennen, de dessen breff seen edder horen lesen, dat wi Johannes unde Peter brodere, her Bartholomaeus sone van Tyzenhusen, bekennen unde betugen apenbare in desser schrifft, dat wy mit willen, vulbord unde wolberadenem mude unses unde unser Erven, unde ock mit willen unde vulborde unses gnedigen hern, hern Albertes, Greven to Holsten, Stormaren unde tho Schouwenborch, redeliken unde rechtliken hebben vorkoffl unde upgelaten, vor eme unde synem Rade, unde vor- kopen unde vorlaten in desser schriffl, unseme ohme Vromolde Warendorpe vor veerde- halffhundert marck lubesscher penninge, de uns desulve Vromolt wol bered unde bethalet heft tho unser noghe, unsse gantze dorpe unde ghut tho deme Grevenhagen, belegen in deme kerspele tho Pronstorpe in dem stichte to Lubeke, alse dat belegen ist mit ackere buwed unde ungebuwed, holten, wysschen, weyden, watere, vysscheryen unde mit allem rechte unde richte, overst alse an halse unde an hand, my ddelst unde sydest, renthe, hure, vrucht, nutt, neet. vryheit, egendoem unde mit alle siner thobehoringe, klein unde groth, nicht dar buten tho bescheidende: also dat Vromolt datsulve dorp schal hebben unde besitten unde bruken vry unde unbeworen, unde mach dat mit alle siner thobe horinge vorkopen, vorsetten, vorgeven, vorlaten geistliken offle werltlyken personen, * unde dar mede doen alse idt eme behegelich is, unde vorthyen unde vorlaten des gantzlyken in desser schrifft: also dat wy unde unse Erven dar nicht mer ane hebben offte beholden, alse ock uthwysen de breve, de unse vorschreven here greve Albert hirup gegeven unde besegelt hefft. Ock so schole wy unde unse Erven deme vorbe- nomeden Vromolde, unde we desse breve mit synem wyllen heffit, desses sulven dorpes unde gudes waren unde vryen van aller ansprake enes jewelken, de vor recht kamen willen. Jodoch so hefft desulve Vromolt Warendorpe, dorch sunderlyker gunst unde fruntschop willen, uns gegunt unde overgeven, dat wi unde unse Erven mogen datsulve dorp unde gutt mit aller siner tobehoringe van deme. sulven Vromolde, edder we des gudes ein hebbere unde besitter iát, bynnen achte Jaren na ghiffte desses breves wed- derkopen vor veerdehalffhundert marck lubessch vorsrchreven, bynnen Lubeke tho beta- lende uppe Saudi Martins dach, yn eyner summen mit pennigen, de denne tho Lubeke genge unde geve synt, unde mit der renthe unde hure, de denne boren mach, en Jar den wedderkoep tho voren tho thoseggende. Weret aver, dat wy unde unse Erven dit .sulve dorp tho deme Grevenhagen bynnen dessen achte Jaren negest thokamende, alse

53

vorschreven is, nicht wedderkofften, so heft desulve Vromolt des ock gegunt nnde over- gheven, dat unse vorschreven here Greve Albert unde syne Erven mogen datsulve Dorpe mit alle syner thobehoringe wedderkopen tho ewygen tyden yn alle der wyse, alse hir vorschreven steit. Alle desse stucke love wy Johannes unde Peter, brodere vorbenomet, vor uns unde unse Erven, unde mit uns Johannes unde Roleff, ock brodere, geheten Parsevale, mit eyner samenden handt, deme vorschreven Vromolde, unde we de breve mit synem willen hefft, an guden thruwen stede unde vast tho holdende sunder alle argelist. Des tho tuchenisse hebbe wy Johannes unde Peter, Johannes unde Roleff vor benomet, unse Ingesegele mit willen vor dessen breff gehengett, de geven iss tho Lubeke na gades bord in deme Veertheinhuiidersten Jare, in Sancti Martins dage des hilligen Bisschoppes.