LXXXIII.

£тrid) SSofwoíb »erfauft feine Dôrfer (tybniÇ) unb ©arfau mit metyreren ©een für 2500 Wlatl bem Älofier %шШt 1462, £>e= cember 29.

(F. 127, No. 27.)

Ick Hinrick van Bokwolde knape, wanhafftich tho dem Zeedorpe, her Detleves van Bokwolde seliger dechtenisse, wanere wanhafftich tho der Zyrave, sone bekenne unde betuge apenbare in dessem minem vorsegelden breve, dat ick mit vryem willen unde wolberadem mude, mit willen ock unde vulleborde myner erven unde myner nege sten unde hesundern mines gnedigen heren, hern Christiern van Gades gnaden koninck tho Dennemarken, Norwegen, Sweden, der Gothen unde der Wende, herthogen tho Sleswick, greven tho Holsten, Storniaren, Oldenborch unde Delmenhorst, unde alle der gennen, der my ere vulbord dar tho noed unde behuff was, hebbe redeliken unde rechtliken vorkotft unde uppelaten. unde jegenwardigen vorkope unde uppelate mit krafft desses breves tho eynem ewygen stedeblyvenden erflkoepe, deme erwerdigen in Gade vader unde hern, her Gre gorio Priori unde deme gantzen Convente tho der Arnsboken Carthuser orden, nu jegenwardich unde alle eren nakomelingen, im lubeschen stichte, unde erem gantzen

109

orden, vor viff unde twinüch hundert lubessche marck, de my desse vorschreven Gre- gorius Prior in gudem golde unde gravem sulvergelde, bynnen Lubeke genge uude geve, tho gansser noege vull unde all wol betalet hefft, dede vort in myne unde nryner erven mercklyke nutticheyde wittliken gekered unde gekamen synt, myne ganssen beyden dorpe Pensse unde Górkow ym lande tho Holsten, im lubesschen stichte unde im kerspele tho Gleskendorpe belegen, mit deme gantzen Pensser zee dem grotesten, unde deme halven luttken Danckmerstorper zee, unde mit dem Kulzee, also vele partes alse mine vor- varen darinne gehatt hebben unde rowliken sunder ansprake na landtrechte gebruket hebben; unde ock den Knorrenkrogh mit deme Alewere vull unde all darsulves by be legen, mit aller Ihobehoringe, in aller vrygheid der visscherige unde aleweress, unde brukinge aller grunde up den veldtmarcken desser vorbenomeden dorpe Pensse unde Gorckow, mit ackeren buwed unde ungebuwed, mit wysschen, weyden, holthen, broken, moren, heyden, masthen, stouwingen, pachten, deensten unde deenstgelde, mit aller nutticheid, rechticheid, herrlicheid, mit allem rechte unde gerichten, oversten, middelsten unde sydesten, in halss unde in handt, unde slichteste mit allem eygendome, uppe- kominge, brukinge, mit aller vrygheit. nicht mit alle buthen tho beschedende. alse desse sulven twee dorpe Pensse,unde Gorckow in alle eren enden, veldtmarken unde schedin- gen aller vryest belegen unde begrepen synt, beweglick unde unbeweglick, unde endt- liken so vrygh unde so qwitt, alse alle myne vorvaren desse vakennomeden gudere Pensse unde Gorckow mit alle erer thobehoringe vore:, unde ick Hinrick van Bokwolde vorbe- nomed, na, je vryest hebben beseten, offte ye vryest moehten hebben besethen, nicht mit alle, alse vore gerored is, buten tho bescheidende. Desse vorbenomede dorpe Pensse unde Gorkow mit alle erer thobehoringe, benomed unde unbenomed, schal unde wil ick Hinrick van Boekwolde vorbenomed unde myne erven, unde ock myne borghen schollen unde willen dessen vorbenomeden ern Gregorio Priori tho der Arnsboken unde gantzen Convente darsulves unde alle eren nakomelingen rechte warende wesen unde ent- fryghen en dee van aller ansprake eynes jewelyken: unde jegenwardigen ware unde entfryghe mit mynen erven uppe myne unde myner erven unde myner medelovere eygene kost, arbeyd unde eventhure sunder alle argelist, behelpinge offte hulperede. Unde hebbe darumme vor my unde alle myne erven dessem vorschreven ern Gregorio Priori unde deme gantzen Con vente tho der Arnsboken vorlaten unde uppegegeven, unde jegenwardigen vorlate unde uppe- geve desse beyden dorpe Pensse unde Gorckow vakenomed mit aller thobehoringe in jegen- wardicheit mines gnedigen hern, hern Christiern koninges, hertogen unde greven etc. baven eer genomed, hern Daniells Cantzelers, Clawes Rantzow unde Detleves Van Boek wolde, Amtmannen tho Segeberge unde tho Plone, unde veler anderen riddermatschen knapen unde knechten, unde hebbe ock desse vorbenomeden Carthusere thor Arnsboken darinne gevored unde gesetted, unde jegenwardigen invore unde sette see mit mynen

110

erven, mit kratft unde macht desses breves, in de hebbende were unde vrygen brukinge unde vredesame ewyge besittinge desser twier vakenomeden dorpe Pensse unde Gorkow mit alle erer thobehoringe, benomed unde unbenomed, unde vorthyge unde vorlate, vor my unde alle minen erven, allen eygendoem unde alle rechte unde gerichte, dat ick, mine vorvaren unde mine erven in dessen vorbenomeden guderen gehatt hebben offte mochten gehatt hebben tho ewygen tyden. Alle desse vorschrevene stucke unde artikele samedliken unde besundern lave ick Hinrick van Boekwolde, erbenomed hovetman, vor my unde alle mynen erven, dessen vorschreven Priori Gregorio unde gansem Convente thor Arnsboken unde all eren nakomelingen, mit minen naschreven medeloveren in guden truwen unde geloven stede unde unbrekeliken, sunder alle argh, wol unde vast ewichliken tho holdende. Unde lave ock vord vor my unde vor mine erven tho erer throuwer hand datsulve alle den gennen, de dessen breff hebben mit erem willen. Unde hebbe desses tho groter tuchenisse min ingesegel witliken hengen laten an dessen breff. Unde wy Detleff, Clawes geheeten van Boekwolde, brodere dessessulven vake nomeden Hinrikes van Boekwolde hovedmannes, unde ick Lemmeke van Boekwolde, wanhafftich tho Wydole, unde ick Vollerd van Boekwolde, Lemmeken soene, wanere wanafftich tho Pensse vorgenomed, bekennen unde betugen apenbare in dessem sulven breve, dat wy, vor uns unde alle unsen erven, mit Hinrike van Boekwolde unde sinen erven vorschreven den vakenomeden Priori unde gantzen Convente tho der Arnsboken, jegenwardigen unde thokamenden, hebben gelavet unde jegenwardigen laven mit macht desses breves, mit sameder handt, alle vorschreven stucke unde artikele in guden truwen stede, vast unde sunder alle list offte behelpinge geistlikes offte werldlikes rechtes umbrekeliken tho holdende, unde hebben dar ock umme tho groterer bekand- nysse unse ingesegele witlyken unde mit willen hangen heeten an dessen breff, de gegeven is im jare na der bort unses heren veertheinhundert twe unde sostigh, am dage Sancti Thomae Canthuariensis.