CVI.

£<mê ö. ju ^afeíborf f<$ettft bem Softer tfrenêbôt* 1000 SSfarf

fûr фúítung einer ewigen SKefie in ber Äapette untertyalb ber SKarien= tapette (beê tyeiligen Äreujeê) bafelbfr. 1496,

(Fot. JVo. �?�?�?.)

Ick Hans van Alevelde, ritter, bekenne apenbare vor my unde my ne erven mit desseme breve vor allsweme, dat ick van sunderger gnade unde angevinge des almechtigen Gades betrachtet unde tho synne genamen hebbe, dat nicht wissers is, wanne de naturlike doeth unde nicht unwissers, wanne de stunde des dodes: up dat my denne de doeth nicht vorsnelle sunder schickinge desses nagerorden: so hebbe ick by gesundem lyve deme almechtigen Gade, Marien der moeder Christi unde allen hem- melschen heer tho lave, unde miner, ock Alheide, miner jegenwardigen eelyken hus- frouwen, unser kinder unde frunde de noch im levende sin, ock unser selygen olderen unde frunde unde miner zeeligen erhusfruwen, alle in Godt vorstorven, unde aller Christen lovegen selen salicheid, vor ein mylde almyssen gegeven unde thogekeret dusent lubessche mark penninge, den innigen unde geistliken vederen Priori unde gantzem Convente des closters Marientempel, anders genomet thor Arnsboken, Carthuser ordens, im lande tho Holsten belegen lubessches stichtes, tho affkortinge erer swaren schulde, dar se tho desser tidt mede belastet syn, welcker se in groter dancknamicheit ent fangen hebben. Upp dat denne sodan almysse unde woldaeth nicht unfruchtbar vor- bleve sunder geistlike verschuldinge unde mededelinge eres innigen bedes, so hebben se van eghener beweginge mit guden willen in dancknamicheid sodaner vorgerorden woldaeth upgenamen unde my thogesecht in der Capellen benedden unser leven frouwen Capellen in erer karspelkercken van einem prestere eres ordens unde horsames, deme dat tho tyden bevalen wert, tho miner, vor Alheide miner eelyken husfruwen, unser oldern unde frunde, levendigen unde doden voregerord, unde vurder all der jennen, dar ick des vor begere, ock zeligen Hans Poggewisch unde vor Annen, siner nalaten husfruwen, myner leven suster, unde Christen lovegen seelen salicheid, eyne ewyge mysse alle dage tho love unde eren der hilligen Drevoldicheit unde aller helligen, uthbescheden in solcken dagen effte tyden, alse se en anfallyker wyse van eres ordens wegen dar ane mogen vorhindert werden. Tho welcker vorschreven Capellen de genante vedere, Prior unde Convente my unde mynen medebenomeden fruntlyke thostadinge gedan hebben unde uns vor patronen unde vorwesere dartho gekoren, unde entfahgen hebben uns unse grafft dar inne tho gunnende, wan sick dat so na dem willen Gades begyfft unde uns belevet. Dar tho hebben se my, vor Alheyde, myner eelyken husfruwen, unde unsen slechten Hans Poggewisschen unde vor Annen, myner sustere, unde ock myner zeeligen

18*

140

erhusfruwen samptliken ewyge begenckenisse tho veer tyden des jares vormiddelst en unde eren nakomelingen bynnen closters tho begaende mit vigilien unde zelemyssen, wan en dat bequemest iss na den dren hovetfesten unde in myner jartydt, na eres ordens lofflyken wonheyd thogesecht, welckere se geschreven hebben in erem kalender unde boke erer woldedere. Also hebbe ick en vor my unde myne erven wedderumme loff- liken thogesecht, dat wy ere unde den eren gunstige frunde unde bescharmere wesen willen, unde ere unde eres klosters beste weten unde vortsetten na alle unsem vormoge. Desses alle tho warer orkunde hebbe ick min ingesegèl vor my unde myne erven witliken gehenget an dessen brelT. na Christi, unses heren, gebordt veertheinhundert unde in dem sos unde negentigsten jare.