XCII.

Jttaigttty (ЗДфейипа,, baß auf ben ©útetn beê ßlofierS SírenSbof bie ^oíjung unb SJiajr biefem $ЫфЩЪ jugetyóre. ©egeberg 1480, <2eö= tember 1.

(F. 56, No. ГО.)

Wy Christiern, van Gades gnaden iho Dennemarcken, Sweden, Norwegen, der Wende unde Gotthen koninck, hertoge tho Sleswick, ock Holsten. Stormeren unde der Dythmarschen hertoge, Greve tho Oldenborch unde Delmenhorst, doen witlick alsweme dar desse unse breff vorkamende wert, jegenwardich unde thokomende, dat vor uns ist gewesen de geistlike innige here Prior thor Arnsboke mit etliken sines closters broderen uppe ene, unde des vorgenanten closters lansten thom Stenrode uppe de anderen siden, van der mast unde eken holtes wegene, dar sick de Stenrader inne van eres egendomes wegen, den se sick thotheen, in eer tiden vor uns vorkortet beklaget hebben. Des wy sodane sake unde legenheit in der warde tho vorvarende, dem Erwerdigen in Gade

120

vadere heren Alberde, bisschuppe tho Lubeke, unde deme duchtigen Peter van Alevelde, unsen leven getruwen thovoren hebben bevalen, unde alse se nicht hebben fynden edder kennen konnen, dat den vorgenanten thom Stenrode jennich recht effle rechticheit van egendomes wegene an den holtingen edder der mast thokamen edder horen mochte; so wy ock van guden mannen unde anderen framen luden desgehkes nicht befraget hebben edder vorvaren efft befragen konen, dat se dar furder ane hebben efft bruken mogen, wan de vorgenomede ere landtheren thor Arnsboke en mit willen gennen unde tholaten willen: hebben wy deshalven geordelt unde gefunden, unde jegenwardigen in krafft desses breves vor recht ordelen, aff seggen unde vynden, dat de vorbenomede heren Prior unde Convent thor Arnsboke vor sick unde ere nakomelinge des vorgeschre- ven ekenholtes, mast unde aller frucht unde nutticheid, de dar aff kamen mach thom Stenrade unde in alle ere guderen, dar se hure aff boren, qwit unde vryg ane jemandes, de sy geistlick effte werlick, hinder edder bewernisse bruken, nethen unde in eres closters beste, nutte unde framen keren mogen, so vry alse ere vorvaren unde se de mit aller herlicheit, thobehoringen, rechte, egendome, frucht unde nutticheid gekoft hebben. Were ock jemand von eren vorbenomeden lansten unde luden, de sick vor- dristede dar wes jegen tho donde, nu efft in thokamendeu tiden, edder sick der holtinge eft mast ane der vorgenanten syner lantheren willen unde vulbord underwunde, gunnen wy unde tholaten, dat se dar aver mogen richten laten na landtrechte, also des mach tho doende sin. Des tho sunderer tuchenisse hebben wy unse konincklike Secrete an dessen breff witliken beten hengen, de geven is in dem jare unses hern dusent veer- theinhundert unde achtentich, up Sancti Egidii dach, up unsem Slote Segeberge.

Ad relationem dominorum Alberti Episcopi Lubicensis et Enewoldi praepositi Ecclesiae Slesvicensis.

хеш.

£>a8 Softer Ztmbbbî ЪцаЩ an bte beiben Шоuё Stotlow für bie »on itynen gefauften ©úter ju ©фопeпгoтр, Äurau u. f. w. außer ben 2400, поф 300 maxi IMfä. 1481, Шац 28.

(F. 118, 2, No. �?ff.)

Wy Clawes Ratlouw, Henneken sone tho Rendesborch, und Clawes Ratlouw, Jochimmes sone Ihom Hogenfelde, vertieren, bekennen thugende apenbar vor unde mit unsen erven unde vor alsswem, dat de innigen vedere her Johan Prior unde gantze Convente thor Arnsboken, baven sodan reddelken rechten ewigen kopp der gudere Schonenkamp, Korow. Dakendorp unde Kerstenhagen, de wy en vorkoft hebben, vor

121

veerundetwintich hundert lubessche mark na lude des koppbreves mit allen artikelen, den de irluchtigeste unde gnedigste, unse leve her koninck Christiern der ryke tho Dennemarcken, Sweden etc. thogelaten *unde den vederen die ewygen besittinge mit deme ewygen egendome gegeven unde vorsegelt heft na lude synes breves, hir baven tho, alse baven die veerundetwintich hundert lubesscher marck, uns in enem summen vornoget hebben noch dre hundert lubessche mark unde ein laken leydeskes wandes van schelinge unde thosprake wegene, de ick Clawes vorbenomet Jochimmes sone vor- rnende tho hebbende tho deme ersten koре, sunder mynen willen unde withschupp, dar nu de gantze summa aff ist soven unde twintich hundert lubessche mark, de alle sament- lyken in unse, unser vorolderen unde erven nutticlieit gekamen synt. Welckere na vornuginge, endracht unde vorhandelinghe schal in neuen dingen tho schaden kamen, tho hynder effte tho vorvange wesen deme ersten ewigen koре, unde deme rechten hovetbreffe nicht schaden in henen artikelen unde stucken, ock nicht schaden der ewygen inwysinge unde der ewigen besittinge der vorschreven gudere, ock nicht schaden unses gnedigsten herrn bavenschreven breve in nenen artikelen, ock up desse gudere ludende; Watterleye schaden, ansproeke, bewernisse, lastynghe, hynder, kost, theringe offte unwille de vedere efte ere nakomelinge hir aff krigen unde wo en deshalven de weddervaren mochte, nichtes nicht uthgenamen, den schollen unde willen wy, unse erven unde frunde, groth unde klein, en nogaftigen vorboeten unde weddergeven sunder jennigerleye yn- unde jegenseggent unses, unser erven offte degedynges lude, offte eynes jewelken; weret deme so nychten schege, so schollen unde mogen de vedere bavenschreven offte ere nakomelinge jegen uns, unse erven unde frunde bruken ere privilegien geistlick offte werlick recht, unde allent wat se konnen unde mogen unde wo se willen, bynnen offte buten landes, wo vaken en des noth ist offte behechlick ist, ock so vakene dar tho schollen unde willen wy, unse erven unde frunde se unde alle ere nakomelinge entheven unde entfryen uppe unse eghene kost, schaden unde alle even- ture, wan se willen unde wo vakene en des noth ist, ock in allen saken, de hir uth enstaen mochten, wo de synt offte kamen mochten, vor enen jewelken, nemande uth genamen. Alle desse baven unde nedden schreven laven wy Clawesse beyde Ratlouwen, vedderen bavengenant, vor unde mit unsen erven unde frunden deme Priori, Vederen, Convente thor Arnsboken unde alle eren nakomelingen, unde deme hebber desses breves mit erem willen in guden truwen, vasteme loven, by eeren unde reddelicheit, stede, vast, vull unde alle wol tho holdende, sunder jenigerleye hulperede, ynvindinge, varlicheit, behelpinge unde sunder alle arch unde sunder alle thosprake unde inseggent unses gne- digesten leven hern koningess Christiern ergenandt unde syner nakomelinge, heren desses landes unde enes jewelken. Inn orkunde unde vastheydt der warheit hebben wy beyde Clawesse Ratlouwen bavenschreven, eyn jewelick vor syck, vor uns, alle unsen erven

16

122

unde frunde, nu jegenwardich unde thokamende, vor alssweme unde nemande buten bescheden, unse ingesegele hengen lathen vor dessen breff. Hir an unde aver hebben gewesen die werdigen unde ersamen manne h"er Bertold Yebe, apenbare schryver, ock stadtschriver thom Kyle, unde her Hennynk Zulte, kerckher thor Arnssboken, de umme unser' bede willen tho thuge unde witzschopp ock ere ingesegele mit uns henget laten an dessen breff; ock vele mer erenwerdich, by namen Marquard Francke, borger tho Lubeke, wanaftich thor Arnsboken, Clawes Leem unde vele mere anderer lovenwerdiger framen lude. Schreven na Christi gebort veertheinhundert jare, am eyn unde achten- tigestem jar, am myddeweken vor Laetare Hierusalem.