XCIV.

8$щЫф jWifc^en фапё »on SSofwolb unb bem Itxmbbbtet Älofrer »egen beê SSetfower ©eeê «. f. ». @utm 1483, (September 10,

(F. i9, No. 34.)

In deme namen Gades Amen. Witlick sy allen, de dessen breff seen ofte horen lesen, dat alsedenne twistinge iss gewesen manck den geistliken vederen Car- thuseren thor Arnsboken up de ene, unde deme duchtigen Hansse van Boekwolde Hinrikes sone nu wanhafftich tho ' Eqwelstorppe up de anderen halve, van beweringe unde brukinge wegen dessulven Hansses welkes partes an dem Berkower see unde der ouwe dar uth lopende van den Korsstorpper stegen upwarth beth tho dem pale, dar syne ouwe wendet, ock des Hassenberges halven, dar sick de erbenomede Hans van Boekwolde vormende recht unde wes deles ane tho hebbende: welckere twistinge unde twidracht vormiddelst thodaet unde vlitigem bearbeyde des erwerdigen in Gade Vader unde heren, hern Albrechts Bisschoppen tho Lubecke, ock der duchtigen manne unde knapen Detleff van Bokwolde, des oldern hern Detleves sone, Hans Rantzouwen, her n Schacken sone, unde Henneken Walstorpp nu thor tidt Amptman tho Segeberg, in guder fruntschupp entliken wart gesleten tho Vasmerstorpp, in desser wysse: also dat de vorbenomede Carthusere nu jegenwardich unde in thokamenden tiden alle ere nako- melinge mogen unde scholen sick vrig unde rowsam bruken dessulven gantzen zees tho Berkouwe, alss he beslagen is unde licht in alle sinen enden unde scheden, alse se unde ere seligen vorvaren dusslange gedan unde bruket hebben, nach ynholde unde bevestinge erer besegelden breve, darup ynt myddel getoget, sunder jemandes beweringe-unde hynder. Unde de ergemelte Hans van Boekwolde ofte sine erven noch sine nakome- linge, besittere sodanes gudes tho Eqwelstorppe mit siner thobehoringe, ock nemandt van siner wegen schal ofte mach furder visken edder visken laten in den sulven zee

123

tho Berkouwe up nenen orden efte enden furder wen de nygen pale stan vor syner ouwe belanges uth, unde dar schal men ock in sodanem sinem anschate, so verne de palen keren, nen hindere, vorfangk ofte beweringe ane don: also dat Hans vorschreven moge bruken sin klein andeel, so de heren van der Carthnss ere grote ofte gantzen zees bruken. Ock vurder mer de ouwe, dede ffuth uth dem Oddenbeke dorch den Roven- kamp beth in den sulven Berkouwerzee, schollen de Carthusere unde Hans unde alle ere nakomelinge samentliken sick bruken alss se dusslange gedan hebben, unde dar schal de ene deme anderen nene beweringhe ane don tho nenen tiden. Ock schollen de Carthusere vor sick beholden quid unde vrig den ergenomeden Hassenbergh, alse he licht in sinen enden unde scheden, beth up den olden lantwech, also dar by namen uthgespraken unde bewyset Wardt, den de Myddelborger unde Wasmerstorpper sament liken in jegenwardicheit der Carthusere unde Hansses vorbenomed de scheede gingen, also nomptliken den olden lantwech lanck up van der Ysekenbrugge tusschen dem Middelborger strydtkampe unde dem Vellyner velde wenth up den vorth, dar de mer- kestene inne liggen, tho stouwende den Vellyner dick, unde denne voit upwart uth deme sulven vorde dem olden lantweghe tho volgende tusschen dem lutken Wassche- kroge unde deme sulven Hassenberghe beth up den scheven ort, dar sick de gruwe uth dem wege upboget by deme grotensteyne, dede licht vast by der olden eken an dem Boeghe. Wes nu van holte, hart unde wek, tho sick werdt des olden weges alse beschreven is, dat mogen sick die Carthusere in thokamenden tiden rowsamliken bruken unde vorkopen nach erem willen, wen idt ene gelevet. Suss denne umme gelympes unde gudes vreden, ock guder naburschupp willen, hebben de vaken benomed Carthuser ghunt unde overgheven dem erbenomeden Hansse van Boekwolde unde sinen erven vrig unde quidt de oversten Ouwe, de en over langen jaren vorpandet was vor theyn lu- bessche mark van deme seligen heren Detleve van Boekwolde, wandages tho der Swynekulen wanhafftig, also dat nu de gantze ouwe tith dem Berkouwer see dalwardt beth tho den Kestorper stegen Hanss van Boekwolde unde sinen erven loss, quidt unde vrig schal sin sunder jenygh bewere offte wedderstalt enes yewelken. Offt doch in welken thokamen tiden de rechten erven des ergemelten seligen heren Detleves sodan part der ouwe wedder esscheden tho losende, alse he sick unde sinen erven de entfry- ginge dar ane heft beholden: denne scholen de vorbenomede Carthusere desser overgifft eres partes der ouwe unde breves, ene darup vorsegeldt, tho nener moege ofte schaden kamen ock nenes antwerdes wesen vorplicbtet, men Hans van Boekwolde ofte syne erven ofte besittere sodanes gudes unde ouwe scholen deme closter thor Arnsboken ene vul- lenkamen were wesen unde sodan losinge steden unde den breff vorantwerden, wen se darup esschet werden von den, de des tho donde hebben, welckeren breff de Car thusere personliken vorantwordeden Hanss van Bockwolde vaken benomed, in belevinghe

16*

124

desser endracht unde makynge desses breves, welckere breff unde fruntlike deghedynge unde slethe, als vorhen beroret is, schal den Carthuseren unde eren nakomelingen in eren breven unde rowliken besittinghen des ergemelten sees tho Berkouwe mit sinen tholagen in nenen dingen ofte saken tho vorvange ofte schadlick sin, men ere breve unde besittinge schollen bliven in vuller macht, alss se den see mit sinen thobeho- ringen unde brukingen, er desser twistinge, rowsamest besethen hebben. Desses alle unde enes islyken by sick tho' orkunde unde vaster bewaringe hebbe ick Hans van Boekwolde alss eyn hovedman vor my unde minen erven ock hebber desser gudere tho Eqwalstorppe mit sinem thobehoringe, unde wy Albrecht, van Gades gnaden Bisschup tho Lubeke, DetletT van Boekwolde de older, wanaftich thor Tzirave, Hans Rantzouwe tho Lancken, unde Henneke Walstorp bavengenomed, alss schedescheren unde gude middeler, umme beyder parte bede willen unse ingesegele samentliken unde eyn islick by sick vor hanget heten an dessen breff, dede geven is unde schreven tho Uthyn, an den jaren na der bord unses heren dusend veerhunderdt dar na in dem dre unde achti gesten jare, des midwekens negest unser leven vrouwen dage erer helligen borth.

xcv.

Äônig ЗДапп unb |)erjog ^пеЬпф conftrmtren aUe sprt»üegten, Sôttefe unb ©ûtet bea ÄioftetS 2irenêbôf. ©ottorf 1484, Загиш 14.

(F. 2Об, No.

Wy Johann van Gotts gnaden tho Dennemarken, Norwegen, der Wende unde Gotten koninck, gekoren koninck tho Sweden, unde Frederich, gebrodere, hertogen tho Sleswick, ock tho Holsten, Stormaren unde der Dithmarschen hertogen, lho Oldenborch unde Delmenhorst greve, doen witlich apenbar bekennende vor uns, unse erven unde nakomelinge, dat wy den werdigen heren Prior unde gantzen Convent unses closters Arndesboke mit allen eren denern, lausten, haven unde guederen, durch sunderge gunste unde gnade unde uppe dat se desthoflitiger den almechtigen Godt vor unsen seligen leven hern vader, koning Chiystiern, uns, unse vorolderen unde nakomen bidden mogen unde scholen, in unse koningliche unde furstliche bescharminge unde sqnderges vor- biddent angenamen unde entfangen, en alle ere privilegia, gerechticheide, fryheide unde gnade, en durch den genannten unsen seligen leven heren vader unde alle unse vor- l'aren gegunnet unde gegeven, gnedichlick geconfirmeret, bestediget unde gegunnet hebben; confirmeren, bestedigen unde gunnen en de also jegenwardigen in unde mit krafft unde macht desses unses breves in allen eren stucken, puncten unde articulen fulmechtich unde krefftich tho blivende in aller mate unde wyse, effte se alle samptlich

125

eyn na deme anderen in dessem breve van worden tho worden uthgedrucket unde be- grepen weren. Thor tuchenisse hebben wy unse secret unde jngesegell witlich beten hengen an dessen breff, de gegeven is an unsem slote Gottorp, am donnerdage na deme achteden dage der helligen Dryer Koninge, na der gebort Christi unses heren dusent veerhundert im veer unde achtentigesten jar.