CXVIII.

фeппefe ». SSofmolb ju ^ronftorf rauft »om Älofter tfrenêbôf jwei (Srben ju &афпЩ<т für 160 matt 1520, tfugufr 21.

(F. 150, No. 39.)

Ick Henneke van Boekwolde, erffgesethen tho Pronstorpe, bekenne apenbare mit dessem minem breve vor alsswem, alss denne de innigen unde geistliken vedere thor Arnsboken, Carthuser ordens, im stichte tho Lubeke belegen, umme vormeringe Gadesdenstes unde sunderger fruntschop unde gunstes willen, so ick en unde erem klostere hernamals doen mach, kan unde wil, my twee lanthgudere ofte erven thom Kerstenhagen. in deme kerspel tho Kurow belegen, vor eyn hundert unde sostich mark lubesch vorkoft unde avergeven hebben, also unde mit sodan beschede, dat de vorbe- stemmeden gudere offte erven scholen tho eynem geistliken leehne in der werde, alse se gewest unde nu noch sint, gelecht warden, unde geistlich, so de vorhenne gewest synt, soverne alse Godt almechtich de lude der erven wil anders dygen laten, stedes ewich bliven: so hebbe ick Henneke upgenant den gemelten innygen vederen dat sulvige gelavet unde thogesecht, ock nu noch in krafTl unde macht desses breves lave unde thosegge in allem geloven unde truwen ernstlick vullenthobringende unde tho holdende, alss dat sodan vorgerurden beiden landtgudere ofte erve, thom Karstenshagen belegen, tho eenem geistliken leehne in der kerspel kercken tho Pronsstorpe, wo vorberort, schollen unvorkrencktt unde unvorryngert bykamen unde mit allen rechte thohoren, alse de Carthusere se vorhenn' gehatt hebben, unde so by deme geistliken lehne in der kerspel kercken tho Pronstorp in geistliker bescharminge unde brukinge bliven. Des heft ock de gestrenge er Wolff Pogwisk, ritter, so ein stadtholder der kon. Werde unde wo ein hovetman der borch Segeberge tho dersulvigen vogedye beholden van wegen der kon. W. in dessen tween landtgudern ofte erven, alle herlicheit unde genutt, so vorhen daruth unde van gescheen, schal noch na van scheen unde gaen der K. W.

20

154

unde der herschop tho Segebarge in aller mathe, gelick wo dat gudt noch were der Carthusere. Ock furder mer so bekenne ick Henneke van Bokwolde vorbenomet, dat ick wil unde schal twisschen dit unde dem ummeslage thom Kyle, negest komende, uppe mine kost unde theeringe bearbeyden unde beschaffen van minem G. heren, hern Christiern tho Dennemarken etc. k. unde heren Frederick furste tho Holsten etc. eynen Wyllebreff, so dat de vorschreven geistlike vedere thor Arnsboken dorch dessen vor- gemelten koep in Ungnaden miner uppgenanten herrn nicht scholden vorvallen, ock eren privilegien nicht vorfencklich in jeniger mathe schole sin. Unde er se derhalven yn ungnade uppgenanter heren scholden vorvallen, ock er idt eren privilegien scholde vorfencklick sin, wil unde schal ick ofte hebbere desses gudes en ere erve lathen wedder bruken, wo vorhenn se dat aller frygest gebruket hebben, unde ick ofte hebber desses gudes dat gelt, alse ein hundert unde sostich mark mit twintich marck lubisch in aller vruntschop wedder nemen unde boeren. Vorbestemmede artikell unde puncte lave unde thosegge ick Henneke van Bokwolde vast unde unvorbraken tho holdende sunder alle argelist unde geverde in kraft unde macht desses mines breves. Tho merer witlicheit unde vastheit hebbe ick Henneke van Boekwolde upgenant min Ingesegel, ock forder des gestrengen eren Wolffs Pogwisken, rittern, amptmannes tho Scgehargh, so ein stadtholder der kon. W., unde duchtige Hans Pogwisk thor Fresenborg, ynt sampt alse borgen unde laveslude ere ingesegele mede vor dessen mynen breff witlichenn laten hengen, uthgeseth unde gebeden; dede gegeven unde schreven iss am achten dage assumptions Mariae. am yare na Gades bort dusent viffhundert unde twintigesten.