XXVII.

2ubefe oon ЗЗоггогЛb ыtрЩфШ |гф, ben ju ber îirenêbôrer Stearie gelegten ßcmfren ju (Stemrabe unb ©efturfrorf feine ßajren aufzulegen, fonbern befaдte ©ûter ju »erbitten. 1391, Sunp 15.

(F. 180, 2, No. 89Г)

Ick Ludeke van Boekwolde bekenne apenbare vor alle den jennen, de dessen breff seen edder horen lesen, dat ick an deme Dorpe tho deme Steenrode, (dat} in deme Kerspele tho Gleskendorpe belegen iss, in dem guede, dat her Ilinrick Massebeke dar heft unde alle sine nakomelinge hebben scholen tho ener Vicaria, dat ick Ludeke vorbenomet unde mine Erven nicht ane en hebben, noch hure edder denest edder bede, mer dat de bedderve prestere, her Hinrick vorbenomet, my des heft gelovet tho voren \or alle sinen Vrunden, dat he my dat leen heft entfangen laten van minem Heren van Holsten an deme guede vorbenomet. Dat schal ick unde will unde alle mine erffhamen eme unde sinen nakomelingen, deme praveste edder deme kerckheren tho der Arnesboken, de tho ewigen tiden darna thokomende sint, holden tho truwer hant also lange, wente van gnaden mines heren van Holsten dit guet vorbenomet unde dat guet tho Schurstorpe, dat min vader vore unde mine brodere unde ick na dar tho geven hebbet, wert geegenet to einer ewygen vicarie. De lansten, de de hoven buwen, dene schal unde will ick edder mine erffhamen unde alle, de dor minen willen don edder laten willen, nicht besweren, wedder mit deneste edder mit beschattinge edder mit be- gastende, mer . ick schal unde mine erffhamen se bescharmen unde vordegedingen, lyke minen lansten. Alle desse sake, de an dessem breve schreven stat, de love ick Ludeke vorbenomet unde Henneke, min broder, unde alle unse erffnamen her Hinrike vorbe nomet unde alle sinen nakomelingen., den provesten edder den kerckheren, unde alle

5*

36

den provesten edder kerekheren in der Arnesboken, de tho ewigen tiden na en komende sint, wol tho holdende sunder jennigerleye argelist edder helperede. Tho ener meren sekerheit unde warer bethuginge so hebbe wy Ludeke unde Henneke van Boekwolde brodere unse Ingesegele henget laten vor dessen breff, de geven unde schreven is na Gades bort Dusent Jar unde Drehundert Jar unde in deme een unde negenthigesten Jare, in deme Dage Sancti Viti, des bellegen Merteleres.