XCIX.

JtMglUfc unb \)щоффe SBefrattguna ber Utfunbe 9?o, 97. <&фкШ$

1487, December 15.

(F. #, No. �?.)

17

130

�?.

Жом$ ЗДшт unb $etщ ЩxхeЪйф gewátyren bem Älofrer %un%bbt bie Sagbgered^tigfeit auf ollen feinen ©ûtern, mit 2iuênai)me ber ©фroeтe= jagb. ©egeberg 1487, December 8.

(F. sor, г, т. «во

Wy Johann van Gades gnaden tho Dennemarken, Norwegen, der Wende unde Gotthen koninck, gekoren koninck tho Sweden, unde Frederich, gebrodere, dersulven gnade hertogen tho Sleswick, ock hertogen tho Holsten, Stormaren unde der Dith- marschen, tho Oldenborch unde Delmenhorst greven, bekennen in macht desses unses breves vor alssweme, dat wy mit rypem rade unde wolbedachtem mude na rade unser leven getruwen rede uppe dit maell by uns thor stede, deme almechtigen Gade unde siner leven moder, der juncfrowen Marien tho lave, eere unde werdicheit, unde tho unses seligen hern vaders, koningh Christierns loveliker gedechtenisse, unser anderen seligen olderen unde vorfaren, in Godt vorstorven, unser leven fruwen moders, unser unde unser beyder erven unde husfruwen aller seelen salicheit, unde uppe dat de denste Gades deste beter unde rousameger scheen unde vormeret mogen werden in unsem clostere thor Arndesboken, anders genomet Marien Tempel, íubesches gesticbtes, in unsem lande tho Holsten belegen, unde alle der Gades denste, dede im sulven unsem closter dach unde nacht scheen unde tho ewigen tiden scheen mogen, unse seligen vor- oldere vorschreven unde wy alle mit ewiger dechtenisse, na lude unde inholde des sulven unses closters besegeldem breve, uns darup gegeven, dorch de gnade unde tholatinge Gades almechtich deelaftich mogen werden, hebben wy sodane unse closter thor Arnes- boken alle ere dorpere, gudere unde holtinge, in dessen unsen landen belegen, de se nu hebben unde in thokamenden tiden krigen mogen, ewigen entfriget unde begifftiget, allerley harten unde re jacht, edder in wat mathe de sick mit zelen efte panden be- geven mach, uthgenomen de swyne jacht, de wy uns, unsen erven unde nakomelingen in sulken eren guderen unde holtingen unvorfenklich na gemener wanheid desser unser lande tho Holsten beholden, entfrigen. begifftigen unde privilegiern de so jegenwardich in macht unde kraft desses unses breves. So dat unse Amtlude unde Vogede in dessen unsen landen unde besunderen unses slotes tho Segeberge, ere knechte, denere unde jegere, nu wesende unde tho ewigen tiden tokamende, sick mit sodaner jacht nicht bekum meren efte beweren scholen efFte mogen, ere lude unde lansten ock nicht begestigen edder beswaren in jenniger mathe. Unde alsedenne desulven Carthusere unses closters, so wol hillich is, sulvest nicht jagen, men wol sumes dorch ere egenen knechten unde dener, tho erer fromder geste behoff edder eren woldederen eres klosters wiltbrade

■

1 131

tho schenckende, jagen lathen: hebben wi uns des mit ene beholden mit ereme rechten willen unde weten, dat se unde ere nakomelinge nemande anders mer, alse vor- schreven is, he sy we de sy, sodane jacht gunnen efte geven willen efte mogen, dat denne anders unsen koninckliken unde furstlyken vryheiden unde herlicheiden sere tho schaden unde nadeele were. Beholden uns, ock unsen erven unde nakomelingen vor unse egenen personen, unde nicht anders, de lust unde vrigheid, allerleye jacht in allen guderen unde holtingen vorschreven. Men dar dorch willen wy, unse- erven unde na komelinge sodane ere bure unde lude nicht begestigen, ere korne tho treden effte treden laten edder de ock jergen wormede der jacht halven beswaren in jenniger mathe. Vorbeden darumme allen unsen Amptluden unde Vogeden unde alssweme, de umme unsent willen doen unde laten schollen unde willen, unde besundergen unsen Amptluden unser borch Segeberge, nu thor tidt wesende unde thokamende, de genanten heren Car- thusere ere dorpere, bure, holtinge, guedere unde denere hir en baven nicht tho jagende, de dar ane nicht tho verweldegende effte tho verunrechtende, vorweldigen effte vorunrechten tho latende in jenniger mathe, by swarer straffinge unde vorlust unser hulde unde gnade. Alle desse vorschreven stucke unde artikell so stede, vast unde unvorbraken tho ewigen tiden tho holdende, hebben wy dessen unsen breff mit unser beyden anhangende secret witliken heten vorsegelen. Datum an unsem slate Segeberge vorschreven, am jare na Christi, unses heren, gebort dusent veerhundert soven unde achtentich. am dage Conceptions Mariae Virginis. Domini praefati per se commiserunt.