XVI.

SSoíqum sparjoro »erfauft bem Шаt фитф «Dtaffebef baê фegebolj bet ©tetnrabe fur 50 matt 1387, %pxil 25.

(F. 177, 2, No. «Г.)

Ick Volqwin Partzow knape bekenne unde betuge apenbare in dessem breve, dat ick mit willen unde mit vulbord Hassen mines Soenes unde alle miner Erven hebbe vorkoft redeliken unde rechtliken dat gantze hegeholt, dat ichtes wanne den Wunneren thobehord hadde. dat belegen is tho dem Dorpe tho der Steenrode in dem kerspele tho Gleskendorpe. mit der grunt, dröge unde naet. unde mit alle syner thobehoringe, alse dat belegen vis, deme Erliken manne hern Hinrick Massebeke prester, vor vofftich mark lubesscher penninge, de he my an reden penningen geven heft, unde ick an mine nutt gekeret hebbe. Desses holtes mit der grunt unde mit aller tholage schal he unde syne nakomelinge bruken mit aller frigheit unde rechticheit unde mit aller nut, mit water, mit wisschen, mit weyde unde mit stouwinge unde deger mit allem, dat dar tho belegen is, idt sy van welcken namen se heten moegen. Unde ick versake vor mick unde vor minen Erven alles rechtes, geistlikes unde werlikes, unde alles Dinges, dar wy uns mochten mede helpen jegen dessen Roep vorschreven. Were ock, dat jement heren Hinrike vorbenomet edder sine nakomelinge wolde beweren edder hinderen an dessem guede, mit rechte dat antosprekende: $o schal ick unde wil mit minen erff- namen edder mit minen medeloveren en dat vrygen under minen koesten unde arbeide. also dat se des scholen bruken vry unde unbewoeren sunder jehnigerleye hindernisse. Vortmer so bekenne ick in dessem breve, dat ick dat leen, dat ick hebbe in desmc guede vorbenomet, dat schal ick unde wil uplaten, vor minen heren greven Alve van Holsten, deme vorbenomeden hern Hinricke Massebeken, wan he dat van my esschende ist. Alle desse vorbenomeden stucke love ick Volqwin Partzow unde Hasse Partzow, min Soene, dem vorbenomeden hern Hinricke Massebeke unde sinen nakomelingen stede unde vast tho holdende sunder jennigerleye argelist unde helperede. Unde wy Ryke Hen- neke Breyde unde Olrick W'unner, knapen, bekennen unde bethugen apenbare in dessem breve, dat wy mit beradem mude unde mit wittschop alle desse vorschrevenen stucke hebben gelovet, unde loven mit Volqwin Partzow unde Hassen Partzowen vor benomet, se mit uns undé wy mit en, mit ener sameden hant, dem vorbenomeden hern Hinricke Massebeke unde sinen nakomelingen stede unde vast tho holdende sunder jenigerleie argelist unde helperede. Vortmer so bekenne wv, dat wy hebben gelovet unde loven heren Hinrike van Boeckwolde, Riddere, unde sinen Kindern unde Snoten van Boekwolde, knape(n) tho truwer handt hern Hinrike Massenbeke vorbenomet unde sinen nakomelingen. Tho ener bethuchenisse alle desser vorschrevenen stucke so hebbe

3*

20

wv alle vorbenomet lmse Ingesegele mit witschop henget vor dessen breff. De geven unde schreven iss na Gades bordt Druttemhundert Jar, in dem Soven unde Achten- tigesten Jare, an Sancti Marci dage. des hellegen Evangelisten.