LXXXIX.

3roei Ш�?шё Station? »erfaufen tyw ©titer in ©d)ónenfamp, Äurmt, ®a= fenborf unb Äerfrenljagen bem Älofter 2Crenèbôf fût 2400 math 1479, Januar 20.

(F. «0, Л'о. �?4.)

Wy Clawes Ratlouwe, Henneken soene, wanafftich tho Rendesborch, unde Clawes Ratlouwe, Jachimes sone, des erbenomeden Claves brodersone, nu thor tidt husvogett uppe Gottorpe, knapen, bekennen unde betugen vor uns, alle unse Erven unde vor alle den jennen, de dessen breff seen edder horen lesen, so alsedenne de zelige Henneke Ratlouw erbenomed vor sick unde syne Erven mit vulbort unde willen des zeligen Wol- gebarenn hern herrn Hinrikes, greven tho Holsten etc. deme Erbaren zeligen Hans Gruter, wandages borger tho Lubeke rechte unde redeliken vorkofft heft, uppe wedder- kope vor veertheinhundert lubessche mark, in den jaren des heren dusent veerhundert achteyne. Alle desse nageschrevene gudere, nomliken den hoff thom Schonenkampe mit der molen unde molendike in alle synen stouwingen, inflote unde uthflote, droge unde nat, unde soven hove landes in deme dorpe tho Korouw mit alle eren thobeho- ringen, allen worden buwet unde ungebuwett, unde mit veer laghen in dem dorpe tho Dakendorppe mit veer hoven landes, myt worden buwet unde ungebuwetth, unde mit twen hoven unde ein verendeell landes mit alle eren wurden in deme dorpe thom Kerstenshagen mit aller grundt, so alse alle desse gudere liggen, mit alle eren tho- behoringen, beweglick unde unbeweglich, mit allen wurden, buweten, hoffsteden, wis- schen, wateren, weyden, holten, so eth de wint roreth, broken, moren, dyken, dammen, waterstouwingen, infloten, affloeten, thofloten, visschen unde visscherien, mit allen in- wonern nu unde thokamende, densten, denstgelde, broken, huren, pacht, renthe, mast, jacht, mit allen anvallen, nutticheyden, alse desse gudere in alle eren enden unde scheden belegen sint, mit allem rechte bogest unde sydest, nychtes nycht uthgenomen, so vrygh alse die erbenomede Henneke de gudere van deme zeligen hern Peter Tysen- husen ritter aller vryghest gekofft, besethen, unde wy nu na unde de hebbere der gudere, welckere gudere alle vorschreven in allen artikelen de erbenomede Hans Gruter vortan dorch sine zeele zalicheidt gegeven heft den innygen vederen thor Arnsboken tho ewigen tiden. Baven welckere giffte unde koop erbenomede Henneke Ratlouwe van den erbenomeden vederen noch entfangen heft up desulven gudere, ock up wedderkopp drehundert lubessche mark in den jaren dusent veerhundert soven unde druttich, dar nu de summa aff ist soventheyn hundert mark Iubisch, unde iss alle in unse unde unser erven nutt unde framen gekamen, hyr tho hebben wy beyde Clawesse

117

bavenschrevene vor uns funde) unse erven mit wolberaden mode ungeholet unde unge- nodigeth mit willen unde vulbordt des Irluchtigesten hochgebarnen fursten herrn herrn Christiern, der ryke Dennemarken, Sweden etc. konniges, unsers gnedigen leven herrn, unde syner reeden, alle desse vorgeschreven gudere in allen artikelen vorschreven baven den vorgeschreven summen geldes vorkoft recht unde redeliken laten unde jegenwardich vorkopen tho eynem ewygen vorkofften kорe unde egendome tho ewygen tyden, sunder alle wedderkopinghe, desse alle vorgeschrevene gudere in allen artikeln den innigen vederen eren Johanni Priori, deme gantzen convente unde klostere tho der Arnssboken Carthuser orden, by Lubeke an dem sulven stichte, unde alle eren nakomelingen vor de vorschreven soventhein hundert lubescher mark, unde nu dar tho vor soven hundert lubescher mark, de wy nu ock thor noge entfangen hebben an enem summen, alse

, samptliken vor. veer unde twintich hundert mark lubisch, unde sint alle in unse unde unser erven nutticheyden gekamen, benomelyken alle de gudere vorgeschreven in allen stucken unde artikelen vorgerorth mit aller grund, droge unde nat, mit allen thobeho- ringen, buweten, wurden, hoffsteden, gebuwet unde ungebuwett, mit wisschen, wateren, weydcn, dyken, stouwingen, inlloten, aflloten unde tholloten, visschen unde visscherien,

, wegen, inwegen unde uthwegen, mit allen lansten unde inwoneren, nu unde thokamenden, densten, denstgelde, broke, huren, tinssen, renthen, pacht, macht, jacht, mast, mit allen an vallen, aller plicht unde unplicht, mit allen holten, hard unde weyk, so eth de windt roreth, kolinghen, busschen, stuveten, broken, torven, moren, mit allem rechte, hogesten, middelsten unde sydesten, in halss unde hand, mit uplatinge undc afflatinge, mit rockhoneren, mit aller herlicheit unde vrygheidtt, mit allerleye nutticheidt unde allem egendome, alse desse gudere vorgeschreven alle liggen in alle eren enden unde scheden, so vrygh unde quitt, alse unse vorfaren unde erven, unde de vedere besitten unde besitten mochten, nichtes nicht uthgenamen, uns unde unsen erven effte dar ane thobeholdende jemandes nichtesnicht, se syn binnen effte buten landes, gebaren effte ungebaren. Desser alle vorgeschreven schollen unde wyllen wy beyde Clawesse mit unsen erven den erbenomeden vederen, convente unde broderen thor Arnssboken unde allen eren nakomelingen unde den hebbern desses breves mit eren willen , qwid unde vrygh unbeworen, unvorsettet unde unvorpandet, unbehyndert unde unvorkofft waren vor alle ansproeke unde schaden beschermen, entheven unde entfrygen vor enen jewelken, he sy geistlick effte werlick, bynnen elfte buten landes, uppe unse egen kost, theringe, hinder, schaden unde uppe alle eventur, alse in deme lande en recht ist. Unde wy vorsaken unde overgeven vor uns unde alle unsen erven alle privilegia unde alle breve, alle wanheyt unde alle recht, wo men dat finden effte uthspreken mochte, wo dat were dar men desse gudere effte breve mede entheven, breken, krencken, an- spreken effte beweren mochten, effte jemant van unser wegen nu unde in thokamenden

118

tvden. Ock schal desse breff den anderen besegelden breven, ludende up desse gudere, gegeven vor dessem breve, de de vedere hebben, nergen ane tho na unde tho vorfange wesen, so dat de ene deme anderen nicht schaden schal, men in crafTl unde macht tho blivende. tho der vedere willen unde behoff. Unde wy hebben vor uns unde unse erven vor dem irluchtigesten unsern gnedigesten leven herrn koninge Christiern ergenant unde vor sinen rederen upgeantwerdet, overgeven unde vorlathen alle dessere gudere mit allen stucken unde artikelen baven unde nedden geschreven,' so wy van rechte scholden unde scholen, . unde hebben die erschrevene vedere, convente, brodere unde closter thor Arnssboken unde alle eren nakomelingen in erem affwesende effte se jegenwardich weren, ingesettet unde ingeforet vor unserm gnedigsten leven herrn vilgenant unde vor sinen rederen in de ewige berouwelike vredesame besyttinge der gudere alle vorbenomet, unde in den ewigen ewichliken egendome, unde hebbere desses breves unde so sulves jegenwardich see insetten in die ewige bebbende were, dar mede tho donde allent wes en nutte duncket wesen, tho nenen tvden dar meer upp tho sakende ewichliken. Unde wy beyden Clawesse vorbenomet vorvullen vor uns, alle unsen erven, frunde unde vor einen isliken allent, wat in dessem breve vorsumet wesen mochte, wo dat nu unde in thokamenden tyden kamen mochte in jenningen dingen unde saken. Alle desse vorgeschrevene stucke unde artikele samptliken unde besundergen seggen unde laven wy Clawesse Ratlouwen, Henneken sone, unde Clawes Ratlouwe Jachimes sone, knapen bavengeschreven, vor unde mit allen unsen erven unde frunden den innigen vederen, convente, brodere unde kloster thor Arnesboken unde alle den hebberen desses breves mit eren willen, in guden truwen loven stede unde vast unbrekliken vul unde ell wol tho holdende, sunder alle inseggent unde sunder alle niefindinge, sunder alle sake unde alle recht, sunder alle behelpinge, nouwhevtt unde sunder alle arch. Thor witlicheit unde merer warheit der vastheyt hebben wy beyden Clawesse, alse ick Clawes Ratlouwe Henneken sone vor my unde mynem sone Sivert, unde ick Clawes Ratlouwc Jachimes son vor unss, alle unsen erven unde frunden. unse ingesegele witliken gehenget laten an dessen breff. Des hebben wy Matthias Ratlouwe, Emeken sone uppe deme karspell tho Lensan, Emeke Ratlouw, Wulwes son thom Voderkampe, Benedictus Pogwiisch tho Gnenynghe Wulves son, knapen, wy alle dre, unde ein islick vor sick, hebben unse ingesegele tho wit licheit unde tho tuchenisse aller desser vorschreven ock hengen laten an dessen breff, dede geven unde schreven ist na Christi unses heren bordt veertheynhundert jaren darna an deme negenundesoventigesteu jaer, im dage Fabiani undè Sebastiani der hillighen Marteler.

119