CI.

фапё »on SSofwolb »erfûtift feinen $of ©quelftorf, mit ben Dôrfern (Squeb ftorf unb £ibenborf mit bem ^eperfee, üüftibbeíburg mit ben ©een, bie Sßolteramüble, ben SSotterèfrog mit 3«Ьфr и. f. «>., bem Softer tfrenèbôf für 6200 SKarf. 1488, October 6.

(F. 209, 2, No. �?¿0.)

Ick Hans van Boekwolde, knape, wanaftich tho Equelstorpp im kerspel tho Zusel Lubessches stichtes, Hinnkes van Boekwolde seliger dechtenisse, wanner wanaftich tho Oldenborch, sone, bekenne unde betuge apenbare in unde mit dessem breve vor alle den jennen, de ene seen effte horen lesen, dat ick mit gudem vrigen willen, rypem rade unde wolbedachteme mode, mit weten, willen unde vulborde miner negesten erven unde frunde, sundergen miner leven brodere Henninges unde Detleves, durch belevinge, willen unde tholatinge miner gnedigsten herru, alse der irluchtigesten hochgebaren

17*

132

Fursten unde hern, hern Johans tho Dennemarken, Norwegen, der Wende und Gotten konninges, gekoren koninges tho Sweden, unde heren Frederiches gebroderen, erff- genamen tho Norwegen, hertogen tho Sleswick, ock tho Holsten unde der Ditmarschen hartogen, tho Oldenborch unde Delmenhorst greven, unde vort mit weten unde willen unde gensliker vulbort alle der jennen, der my ere vulbordt unde belevinge hir tho noeth unde behoeff hebbende was, vor my, alle mine erven unde frunde, nu jegen- wardich unde thokomende, unde alle der jennen, dede des nu unde in thokamenden tiden jennigerleye wyse van miner unde miner erven wegen tho donde hebben mochten, hebbe recht unde redeliken vorkofft unde uppelaten, vorkope unde uppelate jegenwar- digen in kraft desses breves, tho einem ewigen steden erffkopè unde vullenkamen egen- dome, sunder jennigerhande wedderkoepe effte mines unde miner erven wedderkopes vorhopinge tho ewygen tiden, den werdigen unde geistliken vederen unde hern, heren Georgio Priori unde ganssem Convente des huses Marien Tempels thor Arnesboken Carthusers ordens, im lande tho Holsten unde Lubesschen stichte belegen, nu jegen- wardich unde alle eren nakomelingen, unde eren orden unde ock den hebberen desses breves mit eren willen, vor twe unde sostich hundert marck penninge lubesscher munie, de my de vorgenante her Georgius Prior van sines gesechten Conventes unde Cloesters wegen an gudem golde unde graven sulver pagimente, binnen Lubeck unde Hamborch best genge unde geve, tho gantzer genoghe wol tho dancke overgethellet unde bethalet heft, dede vort durch my yn mine unde miner erven nottrofftliken nuth unde merk- liken profit unde vromen gekert unde gekomen sin, minen ganssen hoff tho Equel- storpp mit alle siner thobehoringe unde upkamyngen, also nomentlyken mit den dorperen unde guderen darto belegen unde behorende, alse Equelstorpp, Oldendorpp mit dem Pepersee, Middelborch mit den seen, de Woltersmolen unde Molenstede mit dem dyke in aller syner stouwinge, unde den Wolterskroech mit alle siner thobehoringe, ock de Ouwe van dem Berckouwersee beth up de molen unde benedden der molen, mit aller visscherie unde allem rechten, dar denn nemant anders recht effte macht ane hefft, were tho makende, korve tho leggende effte tho visschende mit jennigen touwe, dar men vissche mede vangen mach, unde ock de wyssche twischen der Ditmers Ouwe unde der rechten Ouwe by deme Bcrckouwer velde. Alle desset vorbenomede guedt samptliken unde besundergen, jewelick by sick unde alle thosamende, alle quidt unde vrygh sunder jemandes insage, he sy geistlick effte werlick, mit aller thobehoringe, nutticheiden unde upkomen, so alse dat in alle sinen veldmarken, enden unde scheden beslagen, belegen unde begrepen ist, wechlick unde unbewechlik, gebuwet unde unge- buwet, mit aller grunt droge ufide nath, mit allen wateren, seen unde dyken, stande unde vletende, unde allen visschen unde visscherien unde allvangen, mit alleme gebuwete, steenwerck unde holtwerke, ertvast unde nagelvast, mit allen ackeren, hoffsteden unde

133

worden, wysschen unde weyden, holten, holtingen, groth unde kleyne, hart unde week, so idt de wint roret, kolingen, busschen, stuweten, masten, broeken, moeren, heyden, dyken, dammen, wateren, stouwingen, thovloten unde affvloten, wegen, inwegen unde uthwegen, mit allen lansten unde inwoneren, jegenwardich unde thokamende, denste, denstgelde, hure, pacht, renthe, jacht, mast, nut, mit allen anfallen, plichten unde unplichten, mit allem rechten unde gerichten, hogesten, middelsten unde sidesten, in hals unde in hant, mit alleme broeke, groeth unde kleen, mit den gosen unde roeck- honeren, unde vort mit aller herlicheit, vrigheit unde rechticheit, unde mit allem egen- dome so quit, so vullenkamen unde so vrygh, alse mine seeligen vorolderen vor my, unde ick, vorbenomede Hans van Boekwolde unde vort mine erven unde frunde, jegen wardich unde Ihokomende, na my sodanen vorbenomeden hoff, dorper unde guder mit allen thobehoringen, baven genomet effte ock ungenomet, wo danich de wesen mochten, jewerlde vrigest'unde vullenkamelikest gehat, gebruket unde beseten hebben unde in thokamenden tiden hebben gebruken unde besitten mochten, nichtes buten beslaten my noch den gesechten minen erven unde frunden, na ghifften desses breves dar gensliken degere unde all nichtes ar.e tho beholdende, unde dar nummer mer in jennigen tho kamenden tiden up tho sakende. Dessen sulven vorschreven hoeff, dorper unde guder mit alle eren thobehoringen, samptliken unde besunderen schal unde wil ick Hans van Boekwolde vorgenant, mine erven unde frunde den ergemelten geistliken heren unde vederen thor Arnesboken, jegenwardich unde thokamende, vor recht huregut, unde neyn erffgut, qwit unde vrygh recht warende wesen, beschermen, entfrygen ene de, jegen wardich unde in allen thokamenden tiden, vor allen besweringen, aller ansprake unde bewernisse enes jewelkes, he sy geistlick effte werlick, up mine unde myner erven egene kost, arbeit unde eventure, so vakene unde wor ene desses tho donde unde van noden sYnde werdet, sunder alle bose list, nygefunde, behelpinge unde helperede, de my, minen erven efte frunden mochten fromen, unde den genanten geistliken heren unde vederen jegenwardich unde thokamende jergen wor ane mochten schaden efte schedelick wessen. Aldus hebbe ick Hans von Boekwolde erbenomet vor my, mine erven unde frunde dessen sulven hoff, dorpere unde gudere mit alle eren vorberorden thobehoringen, mit dem lehne, weddeschat unde gansem egendome densulven ergeschreven geistliken vederen unde heren thor Arnesboken, affwesende alse jegenwardich, unde alle eren na- komelingen vor den upgemelten minen gnedigsten heren, heren Johann Koninge etc. unde heren Frederiche hertogen etc. unde eren rederen, do sulves by eren gnaden jegenwardich wesende, degher unde alle overgeantwordt unde vorlaten hebbe, averant- worde unde vorlate en de alle jegenwardigen in kraft desses breves. Unde hebbe dergeliken do sulves vorder vor my, mine erven unde frunde desulven geistliken heren unde vedere. ock affwesende alse jegenwardich, vor se unde alle ere nakomelingen

134

gevoret unde gesettet, in vore unde sette se ock jegenwardigen in macht desses sulven breves in de brukliken rouweliken hebbende were unde vredesamyngen unde vullen- komen egendome unde besittinghe alle dersulven vaken gerorden haves, dorpere unde guedere mit alle eren thobehoringen, tho ewigen tiden by dem closter thor Arensboken tho blivende; unde ock furder darmede in gansse effte in delen tho donde unde tho Utende, alse en dat aller heqwemest unde aller nuttest duncket, my unde minen erven unde frunden effte jemande anders van unser wegen mit alle nichtes darinne tho be- holdende. Alle desse vorgeschreven stucke unde -artikele, samptliken unde besundern segge unde love ick Hans van Boekwolde, hovetman vorbenomet, vor my, alle mine erven unde (runde unde alle de jennen, de des van miner wegen jennigerleyewyss in thokamenden tyden tho donde hebben mochten den vorschreven geistliken unde innigen vederen unde heren Priori unde ganssen Convente thor Amesboken unde eren nako- melingen unde den hebberen desses breves mit eren willen in guden truwen unde geloven stede, vast unde ungebraken tho ewigen tiden tho holdende, ane alle geferde. argelist, nyge funde unde jenighe behelpinghe, wodannich de jummer in thokamenden tiden mochte gefunden effte bedacht werden, geistlykes effte werlykes rechtes. Desses tho merer thuchenisse unde vorwaringhe unde tho mere grotere, steder unde vaster holdinge alles vorschreven hebbe ick Hans van Boekwolde. Hinrikes sone, vorgenant, vor my, alle myne erven unde frunde mit gudem vrygem willen min ingesegel witliken hengen heten benedden an dessen breff. Ock love wy Henningus unde Dethleff van Boek wolde, Hinrikes sons, des vorbenomeden Hans van Boekwolde, hovetmans, ' naturlike brodere, mit unsem vorbenomeden hovetmanne, mit samender hant, vor uns, unse erven unde frunde alle vorschreven stucke unde artikel stede unde vast tho holdende sunder alle argelist. Unde wy Albrecht, van Gades gnaden Bisschup tho Lubeke, bekennen apenbare in desseme sulven breve, dat desse alsodan ewyge koep in allen puncten unde artikelen, alse uterken vorschreven is, vor uns unde in unser jegenwardicheit durch unsen besten raedt, handel unde middelinghe witliken gescheen unde vullentagen is. Unde wy Henningus unde Detleff van Boekwolde, Hinrikes sons, des vorbenomeden Hans van Boekwolden, hovetmannes, natnrliken brodere, unde wy her Johan Ritter. Detleff unde Jasper van Boekwolde gebrodere, seeligen Detleves sons, wanner thom Bostel wanaftich, unde ick Detleff van Boekwolde tor Hasselborch, seligen Clawes son wandages darsulvest wonafftich, des vakengenomeden Hanses van Boeckwolde, hovet mans. samptlike vedderen, bekennen ock unde betugen apenbare, samptliken unde be- sunderen, vor uns unde alle unse erven in unde mit desseme sulven breve, dat sodane vorgerorde ewyge koep nach formen, mathe unde wyse aller puncte unde artikel desses sulven jegenwardigen breves gensliken degher unde all mit unseme weten, vrygen wyllen unde gansser vulbordt gescheen is. Des tho orkunde unde tuchenisse hebben wy alle

135

vorgenanten samptliken unde jewelick besunderen unse ingesegelle witliken hengen heten benedden an dessen breff, dede gegeven unde geschreven iss am jare na Christi, anses heren, ghebort dusent veerhundert dama im acht unde achtigesten jare, in den achte dagen Sancti Michaelis Erzengels.

СП.

&ôntgtt($e unb Ъщоффe Gonftrmotion ber Urftmbe 9lo. 101 mit S5or= betyoít ber Sßiebereinlöfuno, „tho unser eygenen personen effte lande behoeff." ©ф!ор ©Ottorf 1488, Setober 30.

(F. 214, No. 119.~)