CXIX.

®ûê Älofler ItunèbЫ íeibt »on феппеГе Шщохо ju ЗДтеeп 2000 mt far 100 Ш, 3wfen imb unter SSerpfanbung beê £>orfê ©ropnefuíetu ЗДп^еп 1551, SRo»cmber 30.

CF. 66, No. 78.)

Wy Henningus Prior, Theodoricus Vicarius, Hinricus Sacrista sampt gantzem Convente des closters thor Arnsboken lubissches styfftes im lande tho Holsten gelegen, bekennen unde betugen apenbar vor jedermen, inglicken geistliches unde werltliches standes, mit dessem unsen apen breve, de en seen, horen edder lesen, dat wy wegen der hohen gedrungen noedt, fryes beraden wolbedachten modes, recht unde redelyken vorpan- det unde upgelaten hebben, vorpanden unde uplaten jegenwardich in krafft unde macht dusses unses breves, dem erntvesten unde erbarn junckern Henneken Rantzowen unde siner

155

ock erbarn ehelichen husfrnuwen vor Annen Rantzow, finde eren erven, vor twe dusent marrk hibisch unse gantze dorp Swynekule, gelegen im karspel tho Sarow im lande tho Holsten, mit dem have im grothen Swynekuler Dyke unde mit allen dyken, groth unde klein, effte seen unde wateringen. thoffoten unde afflothen, molen unde molen- streken, mit wisken unde weyden, droge unde nadt, mit aller visscherie, mit aller hol- tinge, mast unde masteswynen, mit hure, mit jacht, mit herrendenste, mit broeken, hogest, middelst unde sydest, ende unde endescheyde, mit halss unde handt, sampt den viff inwanenden kerlen, in summa mit aller herlicheit unde gerechticheit. gar nichtes buten beslaten edder bescheyden. Des hebben wy vorgemelte Prior, Theodericus nnde Hinricus sampt gantzem Convent entfangen van gedachtem erbarn Henneken Rantzowen twe dusent mark lubesh in gudem graven gelde unde pagimente up Sancti Andreae apostoli dach, de wy vort in unses closters nutte gekeret unde uthegeven hebben. Des vorplichten wy uns, vor uns unde alle unse nakomelinge, geistlike unde werltlihe, dat wy schollen unde willen baven gedachtem Henneken Rantzowen edder dem wytlichen hebbere dusses breves alle jar ein hundert mark renthe vor de vorberorden twe dusent mark hovetstols (geven), ock so dat keine entschuldige hir inne schal sin edder ge funden werden in jenniger sake noch mathe. Unde wo sodane renthe binnen achtedagen Sancti Andreae apostoli nicht betalet wurden, so schal unde mach de offt gedachte Henneke Rantzow edder de wydtlike hebber dusses breves dat dorpp Swynekule (uth kraft unde macht dusses breves} an alle insagendt unde rechte ynnemen, besitten unde gebruken mit sampt alle siner thobehoringe, nichtes uthgesloten, ja so fry gebruken, besytten unde geneten, alse wy idt nu, unde ermals Otte unde Eggert Muggede (dess breff unde segell Henneke Rantzow mit unserm weten unde willen ock heffï) fryest besethen, gebruket unde genoten hebben, so lange bruken na erem egen willen, so lange dat sse eren vorgemelten hovetstol mit allen nastenden renthen sampt allem erledenen schaden, den ersten schillinck mit dem latesten unde den latesten mit dem ersten, wed- derumb genochsam gegnlden unde bethalet sy worden van uns vorgedachten her Priore, Theoderico unde Hinrico, edder van den Regenten unde Inhebbern des bavengedachten unses closters Arnsboken. Ock willen wy ergedachte Prior, Theodericus, Hinricus sampt gantze Convent dit vorgemelte dorpp Schwynekule mit alle syner thobehoringe qwyt unde fry leveren, also dat idt gantz unde gar unde deger fry iss unde unvorpandet, sunder aller ansprake unde insage. Ock willen wy her Prior, Theodericus unde Hin ricus sampt gantzem Convente unde alle unse nakomelinge, geistliche effte werltliche, dem upgedachten Henneken Rantzowen edder synen nabeschreven de ein hundert mark renthe alle jare tho Nempten bryngen, binnen den achte dagen Andreae apostoli frunt- lich entrichten, (wo billich) gudtwillich vorschaffen unde bethalen. Dess schal ock gedachte Henneke Rantzowe macht hebben umme syn geldt furderinge tho donde>

156

edder ock syn pandt, dat dorpp tho gebrukende, wen idt eme edder synen mithbeschre- venen gevellich ist. Alle dusse vore unde nageschrevene stucke, puncte unde articule laven wy vorgedachte Prior, Theodericus unde Hinricus sampt gantzem Convente vor uns unde alle unse nakomelinge, geistliche offle weldtliche, sunder alle rechtfurderinge geistliken offle werldtlyken rechtes, olde edder nye funde, wo de namen hebben edder minschen synnen erdencken konnen, noch keynerleye argelist, sso hir entjegen erdacht werden mochten, uns oflle unsen nakomelingen tho baten (?) unde deme gedachten Henneke Rantzowen effte deme hebber dusses breves mochten schaden, alles getrew- lich wol tho holden. Dess tho warer, merer wisser urkundt der warheyt aller vorge- schreven artikele unde sententien hebbe ick vakengemelte Prior dat Pithschier mines ampts, unde mit weten unde willen her Dyrichs unde Hinrici sampt gantzen Conventus bewilginge, des gantzen Convents Sygel unses closters unden an dessen breff hengen Jaten unde mit eygen handen underschreven. Geschreven unde gegeven tho Nempten up Sancti Andreae dach, im jare na unses heren Christi gebordt dusendt vyffhundert unde eyn unde vofflich.

Ich Henningus Prior betuge dit, wo baven schreven, mit eygener hanth.

cxx.

<Doê ßlofrer %ипШ1 Utyt uon фг. Шщт 1000 maxi für 60 mail Stnfen unb unter Sktpfanbung beê ©orfeё ©ebelhu 1558, 5Ro= Dember 30.

(F. 65, No. ГУ.)

Ick Henningus Prior unde gantze Convent des closters Arnsboken bekenne hir mit vor uns unde unse nakomen, dat wy van dem gestrengen erentvesten Hinrick Ran- tzow eyn dusent mark lubesch ganckbarer Jochimdaler unde in anderer guder lubes- scher munthe upgeboret unde entfangen hebben up renthe, unde vorgemelter Prior unde Convent oder ere nakomen schollen unde willen eyn jarlanck dit gelt up rente hebben; wo aber in valle de vorgemelte Prior unde Convente nicht konden de vorgemelten du sent marck uthlosen up dach unde tydt, alse desse breff vormeldet, so wil vorgemelte gestrenge erntveste Hinrick Rantzow unde syne erven tho freden sin mit dem Prior unde Conventu so lange, dat se tho der lopinge unde bethalinge kamen konden. Ock willen vorgemelte Prior unde Convente dem gestrengen erntvesten Hinrick Rantzow oder sinen erven geven jarlich sostich marck lubesscher renthe, so lange alse wy edder unse nakomen de dusent mark by uns beholden; unde ick vorgemelte 'Prior unde gantze Convent hebben unse dorpp Sebelin, gelegen im karspel tho Glasow, gesettet vor ein

157

pant der renthe unde hovetstoll mit alsodanem beschede, dat vorgemelte gestrenge erntveste Hinrick Rantzow scha lunde wil gar keinen handel unde doenth hebben mit vorge- meltem dorpe. so lange unde dewile he unde sine arven de renthe krigen tho rechter tidt unde stedde. De renthe schal komen tho Segeberge des ersten dages na Andreae apostoli, unde effte de renthedreger in jeniger mathe unde wyse worde underwegen gehindert, so schal unde wil vorgemelte gestrenge unde erntveste Hinrick Rantzow eynen baden na der renthe schicken, unde wo de bade sodane renthe van dem Prior unde Convent oder van eren nakamen nicht konde bekamen, so mach vorgemelte ge strenger erntvester Hinrick Rantzow oder syne arven vorgemelte dorp Szebelin antasten unde gebruken mit allem rechte, mit dem hogesten unde sydesten unde fry bruken ane jemandes hynder unde wedderstant, so lange dat vorgemelte gestrenge erntveste Hinrick Rantzow oder syne arven wedderkrigen vorgemelte dusent mark mit aller unbetalden renthe. Ork helft vorgemelte Prior unde Convent vor sich unde sine nakomen be holden, dat se mogen vorgemelte dusent mark uthlosen up wat jar idt ene gelegen is, jodoch mit also, dat se ein verndel jaros thuvorn schollen unde willen de losynge laten anseggen. Alle desse vorgeschreven artikel wil eyn ider part alle tidt truwelick unde vast holden. Unde tho wisser orkunt hebben vor vaken gemelte Prior unde gantze Convent ere signet hir under an dessen breff gehenget am dage Sancti Andreae apostoli, anno 1558. Unde vorgemelte Prior heffit mit siner eygen hanth hyr under geschreven. Anno et die ut supra.

Henningus Prior manu propria.