VII.

©raf 2tboípí) »on £>oífrein confirmât ber Шфe in ЗСгeпёШ metyrere фe= bunten, refö. »on 12, 8 unb 13 Sftarf, ouê feinem £>orfe 4?oífrenborf »on Sftetyreren gefefrenft ober mïauft tytoen 1372, -Шг& 12.

(F. Т6, iVo. 99.)

Adolphus, Dei gratia Comes-Holsatiae et Stormariae, Universis et singulis, ad quos pervenerit praesens scriptum, Salutem in domino sempiternam. Ле laudabiliter ab honestis et devotis Ecclesiae in Arnesboken pie donata, propter humanae fragilitatis lapsum, aliqua possint temporum infringi prolixitate, expedit ea literarum firmitate perhennari. Noverit igitur tam praesentium aetas quam futura felix successio: Quod in nostra prae- sentia personaliter constituti validi et honesti armigeri Johannes et Marquardus, dicti Rykebreiden, recognoscentes publice fatebantur, se de consensu omnium et singulorum suorum haeredum ac proximorum amicorum, quorum consensus ac voluntas fuerat merito requirenda. pie et laudabiliter dedisse, legasse et pure propter Deum contulisse Ecclesiae beatae Mariae in Arnesboken Duodecim marcarum redditus, quos in villa Hol stendorp habuerunt, ob spem fundationis novi claustri secundum votum nobilium Domi- norum Comitum Holsatiae suorumque militum ac Vasallorum plurimorum. Dictos vero duodecim marcarum redditus coram nobis deliberato animo libere resignarunt domino Wulfardo, ejusdem ecclesiae in Arnesboken Vero rectori, ob remedium animrnim

8

suai um, parentum, propinquorum et omnium amicorum suorum salutem et requiem sempiternam, in honorem sanctae Dei genetricis Mariae perpetue possidendos, cum omni libertate, proprietate, utilitate, commoditate, fructu, et cum omni jure et proventibus quibuscunque. Item coram nobis constitutus honestus famulus Henneke Breide, alias dictus Berner, sub eadem forma praenarrata dedit, contulit et assignavit dictae Ecclesiae in Arnesboken Octo marcarum redditus in eadem villa Holstendorp perpetue, libere et pacifice possidendos, quos etiam in praesentia nostra domino Wulfardo praedicto, in honorem beatae Mariae in Arnesboken, voluntarie cum omni jure, libertate et pro ventibus universis resignavit. Insuper coram nobis discretus et honestus famulus Emekinus Wosceke publice recognovit, se rite et rationabiliter vendidisse, de consensu et voluntate fratrum, haeredum et suorum proximorum, Ecclesiae beatae Mariae Virginis in Arens- boken et domino Wulfardo, ejusdem Ecclesiae vero rectori, Tredecim marcarum redditus, sitos in Villa Holstendorp in eadem parochia Arnesboken, cum omni libertate, jure, proprietate et usufructu ac proventibus universis pro Septuaginta marcis Lubicensium Denariorum sibi et suis integraliter persolutis, perpetuis temporibus libere, pacifice et quiete sublevandos. Hos vero tredecim marcarum redditus coram nobis et nostris in Ecclesia Villae Groben domino Wulfardo praedicto libere resignavit ad utilitatem Ecclesiae beatae Mariae Virginis praenarratae. Et quia haec donatio, legatio, venditio et resignatio sine nostro beneplacito et consensu nil valeret: Nos, justis supplicationibus praedictorum armigerorum nostrorum fidelium, videlicet Johannis et Marquardt fratrum Bykebreiden, Hennekini Breiden dicti Beiner, necnon Emekini Wosceken et suorum fratrum pie annuentes, dictam donationem, legationem, venditionem et resignationem dictae Villae Holstendorp ratificamus et approbamus ac proprietatem damns ac in ipsas praesentibus consentimus. Nihilominus dictae Villae Holstendorp proprietatem et libertatem cum omni jure, commodo, situ et utilitate, ut liberáis et utilius bona Ecclesiastica possideri et haberi possunt, in dictam Ecclesiam beatae Mariae Virginis in Arensboken damus et transferimus in perpetuum possidendas. Ut autem omnia et singula a nobis et nostris haeredibus seu sussessoribus et quibuslibet aliis rata et firma et inconvulsa maneant in perpetuum, et a nemine unquam calumniose valeant irritari, praesentem paginam scribi et sigillo nostro fecimus communiri. Datum in castro nostro Plone, sub anno domini Millesimo CCC° septuagesimo secundo, die beati Gregorii Papae.

9