XXXIII.

@lauё SSrofborf wrfauft an jwet ßubefer 16 $Ratt \tyxti<fytt dtmUn in ©teinrabe fur 200 meat 1399, Member 7.

(FoU Î81, 2, No. 90.)

Witlick si alle den jennen, de dessen breeff seen edder horen, dat ick Clawes Brockdorp knape bekenne apenbare in dessem breve unde betuge, dat ick mit beradenen mode unde mit vulborde miner negesten erven unde alle der genner, der ere vulbort dar tho esschende was, redeliken unde rechtliken hebbe vorkoft unde uppelaten, vorkope unde uplate in dessem breve, den beschedenen Mannen Hinrick Redinghestorpe unde ч Simoni Odeslo, borgeren tho Lubeck, unde eren rechten erven unde nakomelingen, vor twehundert mark lubesscher penninge, de my gansliken tho minem willen wol be- thalet sin, unde de ick vort in mine nottrufftigen nutt uthegeven unde keret hebbe, jarlike ewige renthe sostein mark ingeldes lubesscher penninge in deme Dorpe, dat genomet is Steenrode, belegen in dem Karspele tho Glessekendorpe, unde in alle siner thobehoringe, alse mit ackere gebuwet unde ungebuwet, mit wisschen, mit weide, mit watere unde waterslope, mit visschen, mit visscherie unde mit aller thobehoringe, droge unde natt, dat dar tho benomeliken wesen mach, alse dit vorbenomede guet in siner veltmarke, enden unde lantschedinge belegen unde begrepen is, mit alleme rechte unde richte, hogest unde sidest, alse in hals unde in handt, unde mit aller vrigheit tho be- sittende unde tho brukende, alse ick unde mine vorfahren dit vorschreven gudt je vrigest hebben gebruket unde beseten wente her tho. Vortmer dat leen desses vor schreven gudes scholen ick unde mine Erven holden tho truwer handt Hinrikes unde Simonis vorbenomedth unde eren erven unde der genner, de ere lofte entfaen, unde scholen en dat schippen van den Heren van Holsten, wanner dat se dat van uns esschen unde hebben willen, unde scholen en alle Dinck tho dem besten keren. Vortmer so loven ick unde mine erven Hinrike unde Simoni vorschreven unde eren erven, dit vorbenomede guet unde renthe tho warende unde vryende vor aller ansprake. Vortmer so vorlaten ick unde mine erven alles egendomes unde alles rechtes, dat ick unde mine Erven unde nakomelinge in dessem vorschreven guede unde renthe hebben, also beschedeliken, dat Hinrick unde Symon vorbenomet unde ere erven unde nakomelinge desse vorschreven Sostein mark ingeldes allé Jar tho Sancti Mertens daghe uth dessen

6

42

vorbenomeden gude van der ersten renthe unde hure thovoren schollen upboren um- beworen. Vortmer so hebben ick unde mine erven de gnade unde macht, dat wy desse vorschreven renthe alle Jare uppe Sancti Mertens dach, wo wi en dat in den vorhilligen Dagen tho Pinxsten thovoren thoseggen unde witlick doen, mogen wedder kopen vor twe hundert mark lubesscher penninge, de ick unde mine erven willen unde schollen betalen Hinrike unde Simoni vorbenomet unde eren erven unde nakomelingen binnen der stadt tho Lubeck mit der renthe in ener summen mit reden penningen umbeworen. Vortmer so sint Hinrick unde Symon vorschreven unde ere erven des vullenkamen mechtich, desse vorschreven renthe thovorkopende unde over tho settende in geistlike personen edder in werlike, weme dat se willen, vor twehundert mark lu besscher penninge. Unde de jenne, den desse renthe wert vorkoft edder oversettet, de Scholen desser sulven renthe bruken unde besitten mit alleme rechte, alse desse breff uthwiset unde betuget. Ock scholen ick unde mine Erven nene renthe mer vorkopen edder vorsetten in dessem vorschreven gude alledewile, dat Hinrick unde Symon vor schreven unde ere Erven desse renthe unde ere gelt daran hebben. Vortmer wanneer dat miner medelovere en stervet, so scholen ick unde mine Erven thohant binnen veerthein dagen na sinem dode enen anderen also guden borgen in des doden stede wedder setten, dar Hinrike unde Simoni vorschreven unde eren Erven unde nakome lingen an nogeth. Alle desse vorschreven stucke love ick mit minen medelovereu, de hir na schreven stan, ungescheden mit ener samenden handt in guden truwen stede unde vast thoholdende sunder jennigerleye argelist unde helperede. Unde wy Nicolaus van Boekwolde, Detleff Walestorp van Belowe, riddere, Hinrick Rickstorp van der Lemkulen, Hinrick Alverstorp, anders geheten Knygghe, Henneke Ratlowc Clawessone, Syvert van Bockwolde, Snoten sone, knapen, bekennen apenbare in dessem breve unde bethugen, dat wy alle desse vorschreven stucke mit Clawes Brokdorp vorbenomet ungescheden mit ener samenden hant in guden truwen hebben gelovet unde loven Hinrike Redinghestorpe, Simoni Odeslo vorschreven unde eren erven unde nakomelingen, unde tho erer truwen hant her Corde Brekewolde, junge Hans Krowele, Ludeken Hoppener, Timmen Holsten, Marquarde Schulten, Otten Lentzeken unde dem holder desses breves, de dessen breff heft mit eren willen, he sy geistlick edder werlick, stede unde vaste tho holdende sunder jennigerleye argelist unde hulperede. Tho thuchenisse alle desser vorschreven stucke so hebbe wy unse Ingesegele gehenget laten an dessen breff. Datum Anno domini MCCC nonagesimo nono, in profesto Sanctae Ceciliae Virginis gloriosae.

43

xxxrv.

£erjoo, ©erwarb Don &фкШ& confirmirt ben SSerfauf »on 16 ШаЛ i&fyütifyex Sienten auè bem ©ute ©teinrabe, п>е1фе (Sfouö SSrofborp an jtpet ßubefer SSurger für 200 matl óberíaffen &at tylbn 1399, Sto»embet 7»

CF. 72, No. M.)

In nomine domini Amen. Wy Gherd van dessulven Gnade Hertoge tho Sleswick, Greve tho Holsten, Stormeren unde tho Schowenborch, bekennen unde be- tugen apenbare in desseme breve vor alle den jennen, de ene seen edder horen lesen? beide jegenwardigen unde thokamenden, dat in unser jegenwardicheit hell gewesen unse leve truwe Man, Clawes Brokdorp unde hefl mit unsen unde unser Erven unde nako- melingen vulborde unde mit vryem willen unde mit unser truwen Rathgevere behege- licheit, unde mit siner Erven unde negesten vulborde unde vryem willen, redeliken unde rechtliken vorkoft, unde vor uns ewichliken uppelaten mit hande unde mit munde den beschedenen mannen Hinrike Redingestorpe unde Simoni Odeslo, borgeren tho Lubeke, unde eren Erven unde nakomelingen, vor twehundert mark lubesscher pen- ninge, de deme vorbenomeden Clawese Broekdorpe, alse he vor uns bekande, woll tho sinen willen van densulven Hinrike Redingstorpe unde Symone Odeslo beret unde be- talet sin, unde vort an syne unde siner erven nutt uthgelecht heft, sesteine mark lub. penninge ewiger jarliker renthe, tho betalende alle jare in Sancti Martens dage, tho- boren umbeworen in unde uth uth deme gantzen guede unde dorpe Steenrode, belegen in deme karspele tho Gleskendorpe in deme stychte tho Lubeke, der de vorbenomeden Hinrick unde Symon unde ere erven bruken unde besitten scholen, alse dat sulve guet unde dorp belegen sin in erer schede, mit ackere buwet unde ungebuwet, holten, wisschen, watere, vischerie, weyde, frucht unde renthe, denste, denstgelde unde mit alsodaner thobehoringen, unde sundergen mit alle deme rechte unde richte, beide overst, middelst unde sidest edder mynst, in hand unde in hals, also £daf) de vorbenomede Clawes Brocktorp efle synen erven ofte anders jemant schal ofte mach nicht uthe dem vorschreven gude unde dorpe nemen noch upboren, idt sy renthe, bede, pachte, denste, denstgeld ofte broeke edder nenerleye dyngh ofte recht holden, de vorschreven Hinrick, Symon unde ere Erven hebben thovorne alle jare ere renthe, alse sosteyne mark lubes scher penninge, uthe dem vorschreven gude unde dorpe tho deme Steenrode. Ock scholen unde mogen de vorschreven Hinrick unde Symon unde ere erven alle jare ere renthe, alse sostein mark lubesscher penninge, uthpanden, wan en des behoeff unde noth iss, sunder jennigerleye hinder, broke edder wedderstant. Ock schal Clawes

6*

44

Brokdorp edder sine Erven ofte nakomelinge dat sulve gudt unde dorpe ofle rente dar ane nenerleie wys hir baven vorkopen, vorgeven edder vorsetten jemande sunder willen unde vulbort Hinrikes unde Symonis vorschreven unde erer Erven. Weret over, dat se jennich gebreke dar ane hadden, so en schal Claves Broektorp edder sine Erven ofte nakomelinge, edder wy unde unse Erven, weret dat dat gudt wanne tho uns queme, mit deme vorbenomeden gude, dorpe unde renthe, richte ofte denste nenerleye wys beweren noch des bruken, idt en sy, dat den vorschreven Hinrike unde Symoni unde eren Erven edder nakomelingen ere vorsethene renthe althomale tho erer noeghe betalet sy mit koste unde mit schaden, alse des vorbenomeden Claweses breff unde siner Erven, de hir up gegeven iss, inne holt unde uthwiset. Des wy Hertoge Gerdt vorbenomet dorch sunderliker bede willen Claweses vorschreven unde siner Erven, mit willen unde mit vulborde unses Rades, vor uns unde unse Erven unde nakomelinge, alle dessc vor schreven stucke vulborden, mechtigen, stedigen unde egenen in desseme breve, also dat wy unde unse Erven unde nakomelinge nenerleye recht offte Egendoeme dar ane beholden, behalven mene landtweere unde wat dat mene landt deit. Unde vorthien unde vorlaten des gensliken in desseme breve, also dat de vorschreven Hinrick unde Symon unde ere erven unde nakomelinge mogen desulven rente vorkopen, vorlaten edder vorgeven, weme se willen, geistlick edder werlick, unde don dar mede alse idt en behaget, sunder unser edder unser Erven vulbort dar tho thoesschende. Unde vort- mer in alle der wyse, alse Claweses Broektorpes breve uthwisen, de up dessen koep geschreven unde besegelt sin. Jodoch dorch frundschop unde sunderliker gunst willen so hebben de vorbenomeden Hinrick unde Symon unde ere Erven overgegeven, dat de vorbenomede Clawes Broektorp edder sine erven, de wile dat se leven unde waren, unde na al erer dode wy unde unse Erven mogen de vorbenomde sosteine mark lubesscher penninge rente wedderkopen tho ewigen tiden up Saudi Mertens dach, wen wy en dat in den veer hilligen dagen tho Pinxsten thovorne thoseggen unde witlick doen, vor twe hundert mark lubesscher penninge, binnen Lubeke to betalende, mit der rente, in ener summen, mit reden penningen, de dar denne genge unde geve sin umbeworen. Tho wisser betuchenisse unde merer bewaringe aller desser vorschreven dinghe, so hebben wy mit willen unde mit witschop vor uns unde unse Erven unde unsen nakomelingen unse ingesegel an dessen breff laten hangen. Datum et Actum Plone Anno domini MCCC nonagesimo nono in profesto sanctae Caeciliae Virginis.

45