XXI.

penning Saëbefe »erfauft fein ®orf £a»efí)orfr mit bem Seibgebinge ber grau ©rete ©nrone an Safob Grumbefe fur 70 Sftarf außer ben fc&on-empfangenen 100 Шаtt Ыт 1388; Januar 12.

(F. ZOO, 2, No.

Ick Henningh Lasbeke, en knape, bekenne unde bßtuge apenbare in dessem breve vor alle den jennen, de ene seen edder horen lesen, dat allenen ick hadde last

4*

28

vorkoft dat gantze dorp tho der Havekhorst, dat belegen is uppe deme karspele tho Gleskendorpe, mit alle siner thobehoringe, deme Erlyken manne heren Jacob Crum- beken, eine Domheren tho Lubeke, unde sinen nakomelingen also, alse ick idt hadde van Syvert Swyne, eine knapen, vor hundert marc Lubisscher penninghe, de my de vorbe- nomede her Jacob Crumbeke gansliken betalet heft also, alse de breve uthwiset, de ick eme dar uppe geven hebbe mit minen medeloveren. Jodoch so hadde noch in deme sulven dorpe dat liffgedink de Erlyke vrouwe, vor Grete, Syvert Swynes wyff, des hebbe ick gedegedinget mit deme vorbenomeden her Jacob Crumbeken. dat de vorbe- nomede vrouwe, vor Grete heft vor unseme heren Greven Aleve, Graven tho Holsten unde tho Stormeren, mit willen unde mit beradenem mude unde mit vulborde eres mannes Syverd Swynes uppe laten dat dorp unde ere liffgedink tho des vorbenomeden her Jacob Crumbeken hant, unde hir vore so heft my de vorschrevene her Jacob Crum beke geven, baven de hundert mark, soventich mark lubesscher penninghe, de ick van eme rede empfangen hebbe unde an myne nutt keret hebbe. Unde hir mede schal de vorbenomede her Jacob Crumbeke unde syne nakomelingen hebben Iho ewigeme köpe dat gantze vorschreven dorp to der Havekhorst, unde schal des vry unde unbeworen bruken mit aller rechticheit, mit ackere, weyde, wisschen, mören, holte, busschen, watere, mit waterstouwinge, watervlete, mit renthe, hure, denste unde deger mit aller rechticheit, mit deme hogesten, middelsten unde sydesten, mit richte an hals unde an hant, unde deger mit aller nutt unde vrucht, se heten van wat namen se heten. Unde were dat den vorbenomeden her Jacob Crumbeken unde sinen nakomelingen jennich man dar ane hinderen edder beweren wolde, so schal ick eme dat entvrigen under minen kosten unde arbeide. Unde vorsake vor mick unde vor mine nakomelingen unde erven alles rechtes, geistlikes unde werlikes, unde aller hulperede, dar ick my edder mine erven sick mede behelpen mochten jegen dessen vorbenomeden köp;- mer ick schal idt eme waren vor aller ansprake also, alse it en recht ist. Unde hebbe ock dit sulve dorp unde guet uppelaten vor minen heren Greven Alffve tho des vorbenomeden her Jacob Crumbeken hant. Dar aver wesen heft her Hinrick van Zighem, Johan Berner Breyde unde vele andere gude lude. Unde alle desse vorschreven stucke love ick deme vor benomeden her Jacob Crumbeken unde synen nakomelingen, unde tho erer handt Johan Berner Breyden unde Swyne van Quale unde Marquard Tornouwen Breyden by myner ere unde in truwen stede unde vast tho holdene ewelken, sunder jennigerleye arge list. Unde mit dessem breve schal de breff, den ick vore mit minen medeloveren geven hebbe, deme vorbenomeden her Jacob Crumbeken untobraken, men stede unde vast in syner macht bliven. Unde tho euer betuchnisse alle desser vorschreven stucke, so hebbe ick Henningh Lasbeken min ingesegele mit witschopp henget vor dessen breff, de geven unde -schreven is tho Oy tin na Gades bordt drutteinhundert jar, in deme

29

achten unde achtentigesten jare, des mandages na Sancti Pauli daghe. Tuge desser stucke sint de Erlyken heren Mester Hinric Woleri, Pravest to Sunte Ancharius tho Bremen, her Albert Rodenborch, her Hartwick Splyt, Domheren tho Lubeke.