CVII.

íDetíe» »on SSoEroolb eredit fur ba$ »on feinen S$orf<u)ren bent Äiojter %utóbbt »erfaufíe SDorf SSerfow поф 520 matt, beren empfang berfelbe befфetntgt. 1498, Шц 30.

QF. 122, 2, No. i9.~)

Ick Detleff van Boekwolde, zeligen Clawessone wanafftich thor Hasselborch, in deme karspele thor Krempe, bekenne wittliken vor alswem, de dessen breff seen effte hoeren, dat ick mit demodigen gebeden angevallen hebbe myne gnedigsten leven hern, he'rrn Johann, tho Dennemarcken, Sweden, Norwegen, der Wende unde Gotten koninck, ock herrn Frederich, erffgenam des rykes Norwegen, gebrodern, ock hertogen tho Schleswick, tho Holsten, Stormarn unde der Dithmerschen. ock greven tho Oldenborch unde Delmenhorst, umme dat lehn unde eygendome des dorpes Berckowe, belegen in deme kerspele tho Gleskendorpe lubessches stichtes, an ere gnaden vorvallen, dar se denne my dorch sunderge gunst unde gnade gunstigen unde gnedichliken mede belehn- den in bywesende erer beider gnaden reede. Unde ick vorth sodan lehn unde egen- dom in jegenwardicheit mit willen unde vulborth dersulven miner gnedigsten hern upgelaten unde frimodigen overgeven hebbe, ock jegenwardigen uplate unde overgeve, unde vorth mit willen unde vulborde alle der jennen, der my ere wille unde vulbordt dar tho behuff wass, hebbe vorkofft unde vorkope jegenwardigen in krafft desses breves den geistliken vederen ern Steffen Priori unde gantzem Convente des klosters Marien tempel, anderss genomet Arnsboken. Carthuser ordens, unde eren nakomelingen alle betheringe des vorbenomeden dorpes unde gudes Berckowe mit alle sinen thobehoringen, enden unde scheden, mit aller nuth unde rechticheittj alse idt desulven geistliken vedere hir vormals qwitt unde frigest besethen unde sick gebruket hebben tho erem besten,

141

thö eynem ewygen erffkope sunder alle wedderkope, my effte mynen erven h¡rnamals dar nichtes anne thobeholdende, baven sodan twelffhundert marck, dar ze mine zeligen vederen in vortyden nach lude erer breve mede vornoget hebben, vor viffhundert unde twintich marck lubesche, de se my in gudem pagimente, alse tho Lubeke unde Hamborch genge ist, in avergevinge desses breves, wol bereeth unde vornoget hebben, unde ick de vorth in mine unde miner erven witlike nuth unde vordeele hebbe gekereth. Up denne die vorbenomede geistliken vedere unde ere nakomelinge vor my, myne husfruwen unde unse zeligen vorolderen deste ffitiger bidden scholen, hebbe ick, ene tho leffmode unde vordeele, angevallen die vorgemelten myne gnedigsten leven heren demodigen nach ge bore, dat se umme de leve Gades unde Marien, ock dorch hulpe erer zeligen vor olderen, sick sulvest, ock erer gnaden nakomelingen, sodan vorschreven gudt unde dorpe Berckowe mit synen thobehoringen deme ergemelten klostere voregen wolden. Dem se den dorch mine ffitigen bede unde vordenstes willen, ock umme simderger thoneginge unde gunste, de se hebben tho deme sulven clostere, so gerne gedan, unde in bywe- sende dersulven erer reede deme gemelten clostere unde erem orden mildichliken vor- eghent hebben, tho ewigen nakamen tyden by deme clostere unde erem orden tho blivende. Ock wil unde schal ick unde mine erven den vorgeschreven geistlicken vedern unde closter sodan voreygeninge kopes unde uplatinge des vorbenomeden dorpes mit sinen thobehoringen recht warende wesen unde entfrygen se vor alle ansprake eynes islyken, he sy geistlick edder werlick. de vor rechte kamen willen, alse in deme lande tho Hol stein recht unde eyne wyse ist. Ock efft se desses bavenschreven kopes wedderstael unde anlaghe krigen, dar se van tho schaden unde nadeele kamen mochten, schal unde wil ick Detleff bavengemelt unde mine erven dat vorbenomede closter darane entheven, entfrygen unde schadenlos holden nach alle minem besten. Unde effte ick edder mync erven deme so nicht deden unde dat closter tho anfalle unde schaden qweme desses kopes halven, so schal unde wil ick unde mine erven en sodan viffhundert unde twintich marck lubesch gantz unde alle wol tho dancke wedderovergeven unde bethalen sunder alle inholt, behelpinge effte qwade geverde, dar ick unde mine erven uns mede entheven unde entschuldigen mochten. Alle desse vorgeschreven artikele unde stucke love ick Detleff van Boekwolde vorbenomet vor my unde mine erven deme vorgeschreven closter thor Arnsboken unde den geistliken vedern darsulvess unde eren nakomelingen stede unde vast wol tho holdende sunder alle argelist unde hulperede jenniges rechtes. Ock schal desse min bretf unde koep, alse baven berort iss, densulven vedern unde eren anderen breven, de se van minen zeligen veddren, in Godt vorstorven, uppe datsulve gudt Berckowe hebben, tho nenen dingen verfengklick sin effte tho schaden. Unde wy Hans van Alevelde, ritter, nu thor tidt Amptmanne tho Segeberghe unde erffgesethenn tho Haseldorpp, Henning Pogwissch, zeligen Henninges soen tho Varwen, unde Bor

142

chard Krummedyk, zeligen Jurgens sone tho , Amptmanne nu thor tidt tho

Flensborch, umme fruntliker anlughe unde bede willen des duchtigen Detleves van Boekwolde vorbenomet, wente desse verhandel unde koep, alse vorberort ist, uns allent wittlik unde wol bekandt ist, des wy thor witlicheyt unse ingesegele mit sampt dem vorbenomeden Dethleve witliken gehenget hebben an dessen breff, de gegeven iss na Christi, unses heren, gebordt veertheinhundert unde in deme achte unde negentigesten jar, am frydage na Laetare.