LXX.

SDetlet) ». IBofrooíb »erfauft bem Softer 2tren6bôf baê Dorf SSerfora jum ^eitert SRaíe für 1000 matt tfrenèbôf 1438, Member 11.

(F. 27, 2, No. 50.)

Ick Detleff van Boekwolde knape, wanhafttich tho der Swynekulen, bekenne unde betuge apenbare in dessem breve vor alle den jennen, de en seen edder boren lesen, wo ick umme sunderger vruntschop, gunst unde vordernisse willen, mit wolbera- denem mode unde ock mit vulbordt miner erven, den Geistliken Vederen, deme Priori unde Convente des Closters tho der Arnssboken der Carthuser orden, redeliken unde rechtliken vor hundert marck lubesscher penninge durer vorkoft hebbe unde vorkope mit krallt desses breves dat dorpp tho Berckowe, baven de negen hundert marck, dar se

91

desulven Prior unde Convente unde de Vicarien tho unser leven Vrowen tho Lubeke erst thovoren van my umme gekofft hebben, alse de breve, de dar up gegeven unde besegelt sin, klarliken uthwisen. Welche hundert marck my de Prior unde Convente wol tho dancke mit lubesschen penningen bethalet hebben, de ick van ene tho miner noghe entfangen unde vort an mine unde myner Erven nut gekeret unde uthgeven hebbe. Unde alse de Vicarien vorschreven deme Priori unde Convente er deel, dat se dar ane hadden, vorkoft hebben: so scholen unde mogen de vorschreven Prior unde Convente desses vorschreven dorpes vry unde unbeworen gantz allene bruken. Ock so hebbe ick Detleff vorbenomet vor my unde mine erven tholaten unde overgeven, dat desse nyghe breff schal deme ersten kopbreve nicbt tho vorvange noch nergen ane tho hynder wesen, sunder erer jewelk schal in vuller macht bliven unvorbraken. Alle desse vorschreven stucke love ick Detleff vor my unde mine erven den vorschreven Priori unde Convente stede unde vast tho holdende in guden truwen sunder argelist unde hulperede jeniges richtes. Unde wanner ick Detleff vorbenomet effte myne Erven van gnade wegen dit dorp Berkow wedder kopen wolden, so schal ick effte myne Erven deme Priori unde Convente thein hundert mark lubesch tho hope in ener summen bin nen der stadt Lubeck unbeworen unde tho dancke, ane hoele geldt, uppe Sunte Mertens dagh weddergeven. Unde desses tho groterer tuchenisse unde vorwaringe, so hebbe ick Detleff vor my unde myne Erven myn Ingesegel mit gudem willen unde witschup an dessen breff gehenged, de gegeven unde schreven ifs tho der Arnsboken na Gades bordt Dusend veerhundert an deme achte unde druttigesten jare upp Sunte Mertens dagh des hilligen Bischoppes.