Ego wolfrimus dictus de Hochnaw profiteor per presentes, quod de bona voluntate et consensu Margarete vxoris mee et Sophie matris mee et omnium heredum meorum sev fratrum sev cognatorum curiam meam, que dicitur auf dem Hof in barrochia sitam in walthausen, quam proprietatis possedi titulo, Ecclesie sancti Johannis in walthausen pro triginta et vno talento denariorum winnensis monete et vno talento vxori mee vendidi perpetuo libere possidendam tali annexa condicione, ut quicunque heredum meoium sev aliorum, qui sibi ius in eadem curia vendicare presumpserint, velint super ea inpetere ecclesiam iam predictam, ipsi ecclesie pro redempcione prefate curie centum talenta denariorum winnensis monete sine contradicione reddere tenbuntur nec prepositus et conventus in hoc debent difficiles inueniri. Verum quia proprio carui sigillo, Nobilium virorum Domini Ottonis de volchenstorf, dominj chunradi de Mainberch et domini Ottonis de pergarn in huius rei testimonium sigillorum munimine roboraui Testibus subnotatis presentes litteras confirmandas. Qui sunt Nobiles iam iam predicti et Dominus wezlo de erbing, dominus herwicus de holz, Dominus vlricus de lapide, Dominus gotschalcus de evtental, Hainricus et freitlinus de winthag, fridericus bvnberger, Otto frater eius, Rudolfus de gotesperg, Otto, paldwinus et fridericus de pergarn, gotschalcus, hainricus, hermannus de evtental, hermannus hager, fridericus harlungus et alii quam plures, qui. eidem facto iuterfuerunt, audiuerunt pariter et uiderunt. Acta sunt hec Anno Domini M°.CCC°.

Source Fulltext: OÖUB 4 (Wien 1867) S. 369-370, Nr. 398