Cnnrad von (îotts gnaden bischove zu Wirtzpurg vnd hertzog zu Francken.

Vnsern freuntlichenn grues zuuor. Wolgeborner freund vnd lieber getreuer I Als wir vergangen tagen vnns aus mergklichen vnsern vnd vnsers stifFts obligen vnd sachenn zu dem hochgepornen fürstenn vnnserm besonderen lieben her ren vnd freund pfalzgraue Ludwigen churfürsten etc. vnns mit seiner lieb zu vnterreden gein Haidelberg gethan, sind vns von der baurschafft des Neckertals vnd Otenwalds schriff- ten sampt etlichen artickeln, die wir annemen, vnd desshal ben vns mit inen in handhwig einlassen solten, nachkomen, daruff wir inen antworte geben, so verr sie bei den andern haufen der pauren, so ober vns vnnd vnnserm stifft ligen, stilstand verschaffen, were vns tüt entgegen mit inen zu handlenn, vnd alsbald vnsern rethen geschriben, sich mit inen in hundlung einzulassen, des versehens, sie die paur- schafft in virgult gegen vns vnd vnnserm stiffte weyter nichts furgeaomen haben solten. So langt vns doch ytzund glaub lich ane, wie sie nechst vergangen montags vnser slos Wirtz- burg belegen vnd dasselbig zu notten... zu erobern vor haben sollen. Wiewol vnns nu ganz nit zweyvelt, sie gar nichts schaffen werden, nachdem es nach aller notturft vnd mit guten leutten besetzt vnd versehen, so bedenken wir doch, das es on beschedigung bederseits nit hergehen könne. Derhalbeu wir, wo vnns vertrag mit inen zustehn mogt,

323

denselben anzunehmen nit vngewilt, dieweil wir aber ver sündigt, das eur sone graue Georg sich mit den pauren vertragen vnd gesetzt, ist an euch vnnser bith, ir wollet eurem sonn, wie ir das zu thun woll wisst fuglich schrey- ben, sich bey der baurschafft zu bearbeyten, ob er die sachen in ayn stilstand vnd zu handlung zu prengen kont. Wolten wir imc auch handlung geren vervolgen, euch hierinen, wie wir vns zu euch versehen, gutwillig halten vnd erzay- gen. Das wollen wir in gnaden gein euch widerumb be schulden vnnd erkennen. Bitten des nur antwort hiemit. Dat. Haydelberg donerstag nach Jubilate anno MDXXV°.

Dem wolgeborenn vnnseren freund vnd lieben getreuen herre Micheln grauen zu Wertheim.

(Auf einem besonder n Zettel dabei)

Auch lieber freund, was euch euer son zu antwort gibt, das wollet vns vif vnnsern chosten f . . . erlich hieher zu wissen thun. Dat. etc.