Vnsere gar freuntliche dinst zuvor. Wolgeborner freunt- licher lieber oheim. Von den hochw. hochgeb. fürsten vnd herrn herrn Jorgen bischoven zu Bamberg vnd herrn Casi mir marggraven zu Brandenburg etc. vnsern lieben herrn oheimen vnd swager als theydingsfürsten sint wir gegen den hochgebornen fürsten vnd herrn herrn Friderichen des hl. Röm. reichs erzmarschalgk vnd curfürsten auch herrn Jorgen vnd herrn Johannsen herzogen zu Sachsen, lantgra- ven in Doringen vnd markgraven zu Meichsen, vnsere lieben herrn vnd oheime ettlicher gebrechen halb gein Ilmenau zu tagen bescheiden vff sonntage nach sant Gallentage schirst zu abent doselbst anzukomen: dieweil dann vnns, vnser herrschafll an der handlunge, so vff selbchen tag furgewant werden sol etwas grosses vnd merckliches gelegen ist, darzu wir ewer vnd ander vnser herren vnd freunde raths vnd beystandes notturfftig, bitten wir euch mit sonderm fleiss recht freuntlich, ir wellet vff sant Gallen tag schirst zu nacht zu vns gein Meynnberg komen, geschickt furter mit vns nach Sleusungen vnd Ilmenawe zum tage zu reit ten, vns solcher vnser bitt nicht versagen noch abschlagen, als wir vns denn des vnd alles guten zu euch versehen, vnd mit willen freuntlich verdienen wollen. Datum Smaklal- den am montage nach Mauricii anno etc. (MD) decimo.

Dem wolgebornen herren Mi- Von Gottes gnaden Wilhelm

cheln grauen zu Wertheim etc. grave vnd herre zu Hennen- vnser n freuntlichen lieben bergk. Oheim.

315