Von Gotes gnaden wir Ditherich des heiligen stuls zu Mentze ertzbisschoue, des heiligen Romischen reichs in deut schen lannden ertzkantzler, Johanns bischoue zu Wirtzpurg, Fridrich marggraue zu Brandenburg, des heiligen Romischen reichs ertzkamrer, vnd burggraue zu Nuremberg Conrat herre zu Weinsperg, vnd Craft herre von Hohenloch bekennen vnd thun kunt offenlicuen mit diesem briefe, als wir eins worden vnd uberkomen sind sulche furnemen aufsatze vnd geschichte, als der edel Michel graue zu Wertheim zu Vffen- heim zutun furgenomen, angeslagen vnd begangen hat, zu straffen, vnd daromb fur das slosse Sweynburg zuziehen, das vndersteen zugewynnen, das wir alle einander, vnd vn ser iglicher den andern in den sachen nicht lassen, sunder wir alle einander vnd vnser iglicher dem andern mit gantzer macht beystendig vnd beholffen sein sullen, was dann vnser einer, oder mee von der sache wegen angeen würde, also bescheidenlichen, ob dheinen vnter vns von der sache we gen, oder was sich darvnter verlauffen, oder machen würde, oder die sache antreffende kriege, oder feintschafte anqueme über kurtze oder langk, das dann wir andern, dem oder den, vnder vns, die von der sache wegen kriege, oder feint- schafft gewönnen, oder zubeschedigen vnderstanden würden getreulichen helffen sullen vnd wollen, mit vnser gantzer machte nach vnserm besten vermugen, vnd des auch vnser widersags- vnd feindssbrieue schicken, so vnnser einer von

253

dem andern, des von der sache wegen, oder die sache an treffende, als vorgeschriben steet, ermant wirdet. Wann wir auch das obtenant slos Sweynburg gewynnen, so sol das selbe slos vns ertzbischoue Dietrichen obgenant eingeben werden, vnser vnd vnsers stiffts sein vnd bleiben vnd wir ertzbisschof Dietrich vorgenant sullen den.obgenant andern fürsten ire iglichem vmb seinen teile, vnd auch den edeln Conrat herren zu Weinsperg, vnd Craften herren von Hohen- loch ine beiden einen taile, das zusammen drey taile machet, geben, was dann sechs oder der merertaile vnter ine, der wir ertzbischoue Dietrich drey darzu geben, sullen wir Jo hanns bischoue zu Wirtzburg einen, wir Fridrich marggraue zu Urandcnburg einen, vnd wir Conrat herre zu Weinsperg, vnd wir Craft herre von Hohenloch bede einen, darzu geben sullen, erkennen vnd sprechen, das wir ertzbisschoue Dieth- ricb ire iglichem geben sullen, das sullen wir thun. Mochten aber die sechs, darvmb nit eins werden, oder ein mererteile gemachen, so haben wir obgenant fursten vnd herren Zur ehen von Steten zu einem obermann genomen, also welcher parteye derselbe obermann besteet vnd zufellt, das sullen wir von beiden seiten vffnemmen halten vnd tun, vngeuer- lich. Vnd als dasselbe sloss von vns Johanns bischoff zu Wirtzburg zulehen rüret, da sullen auch die selben sechs vnd ob sie nit eins. werden oder ein merertaile gemachen mochten, der vorgenant Zurche der ein obermann ist, mit ine erkennen vnd sprechen, was vns Johanns bischoue zu Wirtzburg für die lehenschafft werden sulle, das sol vns bezalt werden, von dem gelte das dann vnserm herren dem marggrauen, vnd Conrat herren zu Weinsperg vnd Craften herren von Hohenloch zubescheiden wirdet. Auch sullen wir Johanns bischoff zu Wirtzburg Fridrich marggraue zu Bran denburg Conrat herre zu Weinsperg, vnd Crafft herre von Hohenloch zustunde vnd vnuertzogenlich, so das sloss Sweyn burg gewonnen wirdet, dem egenant vnserm herren von Mentze hundert vnd funfftzig reysiger gewappenter zu pferde zu tegelichem kriege, vff vnnser koste schaden vnd verluste zuschicken vnd bey ine in seine slosse legen, wohin er die legen wil vnd wie oder wohin er die legen wil in seine slosse, des sullen die selbigen raisigen gehorsam sein vnd bey im bleiben sullen alsolange er der bedorfle, das wir auch mit ine also bestellen sullen, one allegeuerde vnd wo bey auch dieselben vnser rewter sein, es sein gefangen, name, prantschatze, doran sullen wir fursten, iglicher einen

254

teile vnd wir Conrat vnd Craft herren von Weinsperg vnd von Hohenloch beide einen teile haben, vnd sol der vierde teile vnsers herren von Mentze sein vnd sol das also vn- geuerlichen sein. Weres aber das sich sulcher kriegk swerer vnd weiter machen also, das vnserm herren von Mentze mee hulfle note würde, so sullen wir egenant Johanns bischoff zu Wirtzpurg Fridrich marggraue zu Brandenburg Conrat herre zu Weinsperg vnd Craft herre von Hohenloch im mee leute legen vnd zuschicken als dann im nach gelegenheit der sache note sein, vnd bedurffen wirdet, auch vff vnser koste, scha den vnd verluste ongeuerde. Auch ob sich der egenant graff Michel, durch sich, oder sein heiffere in vnser, ander fursten oder herren lannde, legern, vnd vndersteen würde zubekrie gen, so sullen wir alle, doch iglicher nach martzale, dem oder den vnder vns den sulchs note geschichte, auch leute legen vnd zuschicken als dann nach gelegenheit der sachen note sein wirdet. Weres auch das wir slosse, oder anders mee gewonnen, vnd weren die gelegen in vnser ertzbischoue Diethrichs lannde, so sol es damit gehalten werden, als vor von dem sloss Sweynburg geschriben stet; weren aber die in eins andern herren vnter vns lande gelegen, so sollen sie dem bleiben, in des lannde die gelegen weren vnd gein im bescheen vnd gehalten werden, als vor von Sweynburg geschriben stet ongeuerde. Auch sol siçh vnnser keiner von dem andern scheiden noch auch keiner one den andern vorwortte friede, sune, oder richtung uflnemen, auch was wir samentlichen gefangen name, oder anders gewonnen daran sol vnnser iglicher furste einen teile, vnd wir Conrat herre zu Weinsperg vnd wir Crafft herre von Hohenloch bede einen teile haben. Es sol auch vnnser keiner noch vnnser haubtleutc von vnsern wegen kein verdingen tun, one vnser andere, oder vnser hauptleute wissen vnd willen; auch sullen wir in wes sloss stat, oder dorffe rewter gelegt werden bestellen, das denselben redlich feilenkauffe gegeben werde. Auch sol auch vnnser keiner graf Micheln noch das sein innemmen, vnd ob das ymand graf Micheln oder das sein innemen wolt, so sullen wir alle vnd vnnser iglicher besunder getrewlichen dafür sein, das das nit geschee. Vnd wir Dietrich ertzbischoue zu Mentze Johanns bischoff zu Wirtzpurg Fridrich marggraue zu Brandeburg gereden ver sprechen vnd globen bey vnsern furstenlichen trewen eren vnd wirden vnd wir Conrat herre zu Weinsperg vnd Craft herre von Hohenloch globen vnd gereden bey vnsern guten

255

trewen, vnd rechter warheit an eydestat, ware stete veste vnd vnuerprochenlichen zuhalten vnd zutun alles das, das in diesem brief geschrieben stet, dawider nicht zusein, zu- suchen, noch zuton, noch schaden getan werden, durch vus selbs, die vnsern, oder ymandt anders, heimlichen noch of- fenlichen in dheinweise noch wege one alle geuerde. Vnd des zu vrkunde, so hat vnnser iglicher sein eigen insigel tun hencken an diesen brief, geben zu Bischoffsheim vff der Tuber an sant Jorgen tag des heiligen ritters vnd merterers nach Cristi vnsers herren gepurt viertzehenhundert jare vnd darnach im ßibenvnddreissigisten jare.