Wolgeborner lieber her. Mein willig dinst sein euch all zeit zuvor. Ich gib euch zu vernemen, des ich vor etlichen manatten von Rem. kays. maj. vnserm allergnedigsten hern

336

in etlichen grossen treffenlichen irer maj. obligenden sachen herauss in das hailig reiche zu den churfürsten, fürsten, grauen vnnd andern stenden abgefertigt worden bin, mit bevelh von irer maj. wegen, jeglichem dieselben ir maj. ob- ligen insonderheit furzutragen vnd mit inen darauff zu han deln etc. Dieweil ich nu von irer maj. mit der ritterschaft im landt zu Franckhen vnd sunst, solcher yegemelter sachen halben gleicher weiss zu handeln bevelh habe, das ich auch vor gutter zeit zu thun willens gehabt, aber durch die auff- rur vnd emporung, so dazu mal in Franckhen gewesen, wie ir das gut wissen tragt, verhindert worden, vnnd nu solche mein Werbung in kurtz nachmaln gern thun wolt vnd thun wirde müssen: so hab ich desshalben mein nachfragen ge habt, welche ich vmb solche ritterschaft zu einander zu be schreiben, anlangen vnd besuchen must. Darauff mir ange zeigt worden, wie die haubtleut vnd rethe der sechs ort im landt zu Franckhen, vast der merer thail mit todt abgangen seyen, vnnd mir derhalben kein gründlicher berirht gethan mogen werden. So ir dan kays. maj. mit lehenspflichten vnnd sunst verwandt, auch vor andern bekant seydt, hab ich euch gleich hiemit von irer maj. wegen derhalben auss vertrauter meinung ersuchen wollen: vnd ist demnach im namen irer maj. mein hoch vle(i)ssig beger n an euch: ir wellet ir maj. zu gnedigem gefallen, sampt landtgrauen Jo hanns von Leuchtenberg, graf Wilhelm vnnd Hermann von Hennenberg, graff Albrecht vnd graff Jorgen von Hohenloe, graff Hansen vnnd graff Wolffen zu Castel, graff Philipscn zu Rinneckh, schenkh Jorg vnd schenkh Gotfriden freyherrn zu Limpurg, schenkh Eberharten vnnd schenkh Vclthen ( Valen- tin) herrn zu Erbach, vnd herrn Hansen freyherrn zu Schwartzenburg, den ich dan desshalben hiemit auch schreib, die gedachte ritterschaft der sechs ort in Frankhen an ein bequeme Malstat vnd auff einen forderlichen tag, wie ir euch des mit einander bereden vnd vergleichen werden, beschrei ben vnd darob vnd daran sein, das sy in ganzer anzall da erscheinen. Darauff ir dan auch kays. maj. zu sunderm ge fallen ewers thails nit ausbleiben wollen, mich auch alsdan des berurten tags vnd der malstat von stund an berichten, damit ich also zu rechter zeit, darauff zu erscheinen wiss, vud den furtrag meiner werbung vnd handlung thue, an welcher handlung dan hochgenanter kays. maj. merklich ge legen ist, vnnd ir dem hailigen reiche, auch berurter ritter schaft zu sunderm gutten, eren, rom vnnd nutz, on zweifei

337

komen werdet. Hiemit was euch lieb vnnd dienst ist. Datum Prag am andern tag septembris anno С MD) XXVIIIo.

Dem wolgeboren herren Mi- dinetwiUiger

cheln grauen zu Wertheim etc. Balthasar von Waltkirchen

memem besondern lieben Rom. Kays Maj Rat) Orator vnd

herren. Vice-Canzter etc.