IX.

In nomine Domini Dei et saluatoris nostri Jhe.su Christi. Hludouuicus diuina ordinante prouidentia Imperator augustus. Si liberalitatis nostrae munere de bene||ficiis a Deo nobis conlatis, locis Deo dicatis aliquid conferimus, id nobis et ad mortalem uitam feliciter transigendam, et ad aeternam perpetualiter obtinendam profuturum liquido credimus. Ideirco notum fieri uolumus omnium fidelium nostrorum tam praesentium quam et futurorum sollertiae, quia cum nos monaáterium in Saxonia propitiante Domino cum consensu fidelium nostrorum in honore sancti Stephani protomartyris Christi deuotissima intentione funda- tum habuissemus, nomenque noue Corbeie aptassemus, atque ibi conpetentia subsidia quaeque prae mani- bus inueneramus debita largitate praedicto sanctificationis loco in nostra aelymosina contulissemus, Uuarinus quem in eodem monasterio abbatem praefecimus suggerendo petiit celsitudini nostrae, ut in memorato ducatu Saxoniae locum prouideremus, ubi sal fieri ad cibos monachorum in eodem monasterio pro tem pore degentium saliendos atque condiendos potuisset, quod et'facere curauimus, et dedimus eidem mona sterio per hoc nostrae auctoritatis praeceptum in ducatu Budinisuclt quantumeunque iuris nostri in illo sale, quod est super fluuium Uuisara, erat, in pago Logni. Per quod statuentes decernimus ut sub iure ipsius monasterii quantumcumque in eodem sale habere uisi sumus perpetuo consistat sicut diximus ad necessitates seruorum Dei in memorato monasterio degentium fulciendas. Et ut haec nostrae largitionis auctoritas firmior habeatur, de anulo nostro subter eam iussimus sigillare.

C. Meginarius notarius ad uicetn Theodonis recognoui et (L. S. R.)

Data VI. Id. Jun. anno Christo propitio XX. Imperii domni Hludouuici serenissimi Imperatoris, Indi- ctione XI ciuitate In Dei nomine feliciter Amen.

Das Siegel Ut verloren gegangen und die Charte beschädigt.