I.

rimus omnipotentis Dei gratia episcopus, Reginberto preposito una cum reliqua congregatione in do mino salutem. Serenam inprimis caritatem uestram non ignorare optamus, quomodo prosperitatis uestre securitatem semper Christi in gratia pollentem ouare desideramus. Deinde quod nostri iugiter in domino

memoriam habeatis tam ris excessibus uel infirmitatibus, quam etiam pro communibus

omnium nostrorum necessitatibus siue utilitatibus, obnixe precamur. Proinde nuncium nostrum modo cum Oddone ad palatium ire sciatis propter ammonitionem negotii nostri, pro cuius legatione mentionem uestram coram sancto patrono nostro cotidie fieri modis omnibus persuademus, quatinus per Dei misericordiam quandoque bonitas illius in hoc negotio nostro preualere mereatur in firmitate. Subinde mandamus pre posito et omnibus officialibus nostris, ut unusquisque suum ministerium ad communem fratrum utilitatem quasi coram Deo honeste procuret. Nec fratribus aliquid ex suis necessariis uel etiam in uinali propina- tione inrationabiliter subtrahatur, sed omnia mensurate fiant. Nam Deo fauente nobis aduenientibus mini- steria uestra et cunetas utilitates uestras uobiscum ratiouabiliter ordinare et utiliter constituere speramus. Quod tamen quando fieri ualeat, redeunte prefato nuncio uobis renunciare curamus. Propterea aedificio turris sine intermissione insistere iubemus, quatinus Deo uolente cum aliis beneficiis hoc etiam nostris tem- poribus perficiatur. Valete semper horum memores IN Christo Jhesu.

Auswendig: Ragenberto ppos.