+ Се нынꙗ что добро и что красно давидьски недоумѣннѣ реши нь ѥже проповѣдати сь прьзновенниѥмь и славити |2|православ`но ѥдиного Бога вь троици безначел`на неизмѣн`на непостижима приносуш`на бесконьчьна |3|вь ѥдиномь сушьствѣ и зрацѣ божьства троична же лици и сьставьми своиства Ѡтьца глаголю и ѥдинороднаго ѥму сына |4| и светаго и божьствьнаго духа ꙗкоже духнасишен`наꙗ уста божьствьнихь пророкь прѣдаше и апостоли научише мученици исповѣ|5|даше и црькви ѥдиною запечатлѣ вѣрою. Ѡт[ь] нѥѥ же православиѥмь укрѣпише се|6|и благочьстиꙗ вѣнь`ци украсише се, благовѣрнни и христоименити цариѥ. Иже сь прав`дою на зем`ли пожив`шеи и велеразум`но своѥуправль|7|ше царьство и сушимь под[ь]ними дари и почьсти коѥмуждо по мѣрѣ и по достоꙗниꙗ раздѣливашѣ и раздавьше. |8| Тѣмьже и азь вь Христа Бога благовѣрн`ни и Богомь поставлѥн`ни и самодрьжав`ни Стефань Урѡшь ЦАРЬ Срьблѥмь |9| и Грекомь, Поморию и Западнимь странамь вьнукь пр[ѣ]под[о]бнаго и богоноснаго ѡтьца Симеѡна Неманѥ нова|10|го мѵротѡч`ца и светаго и великаго вь светителѥхь Сави, прьваго пастира и просвѣтителꙗ земли србьсцѣи |11| и по нихь кралѥвьствовашихь землѥю срьп`скою сынь же благочьстивѣишаго и великаго вь царихь прьвовѣн`чань|12|аго цара Стефана и сего благочьстивиѥ и христолюбивѥ царице августиѥ кѵра Єлисавети сихь царьству |13| и благочьстию прѣѥм`никь тьше се и молитвѣ и благословлѥнию тѣхь бити наслѣдьникь заповѣдан`наꙗ |14| ми тѣми усрьдно испльнꙗю. Єльма же повелѣ и устави госпожда и мати царьства ми записати селиште на Струмѣ |15| башину Патрикѥву шо ѥсть приложила монастиру ц(а)рства ми Хиландара + пиргу на мори Григориꙗ ради |16| своѥго ѥѥ калогера ѥгоже сама вьспитѣ ꙗко да има кивер`нию всаку и покои того рад[и] вь томь светѣ|17|ть мѣстѣ Светиѥ Гори. +Сию заповѣдь и промениѥ ѥѥ испльнивь записю златопечат`нимь симь СЛОВОМЬ |18| царьства ми вишеписан`ноѥ селише Патрикѥво тои светои ѡбитѣли Хиланьдарьскои сь всѣми мегꙗми |19| и правинами и метохомь села того да сиѥ има вь всаку свободу и волю ꙗкоже и проче метохиѥ своѥ |20| ѥлика има искону и ѡть прьва. Тѣмжде ѡбразомь и се да има никимь неѡт[ь]ѥмлѥмо до вѣка. И молю |21| ѥгоже изволить Господь Богь и по мнѣ царьствовати сиѥму златопечат`ному СЛОВУ царьства ми непотво |22| рен`ну бити ни поврѣжден`ну нь паче да прѣбиваѥть вь всакомь утверьждени и свободѣ чистѣ златопеча |23| тноѥ сиѥ СЛОВО царьства ми и никомь поколѣбимо до вѣка. Записа же се сии хрисовуль |24| вь лѣто •҂Ƨ•Ѡ•Ѯ•Ө•индиктиѡнь •ДІ• |25| +СТЕФАНЬ ОУРѠШЬ БЛАГѠВѢРНИ ЦАРЬ СРЬБЛѤМЬ И ГРЬКѠМЬ+ |26|+Госпожда светаꙗ царица повелѣ сама у Серѣ Каснији записи: 1. Сеи хрисовуль есть царѧ Стефана дань есть монастирю нашему ради село Патрикиево дарованное Хиландару со свѣтими его синорами и прочѧ соуше моу Строумѣ и потверждать его вторицею хрисовулемь семь. И копїе его в`нем есть. 2. 6869. года

Source Fulltext: D. Trbojevic