Се нынꙗ что добро и что красно давидьски недоумѣннѣ реши нь ѥже проповѣдати сь дрьзновенниѥмь |2|и славити православно ѥдиного Бога вь троици безначел`на неизмѣнна непостижима приносушна |3|бесконьчьна вь ѥдиномь сушьствѣ и зрацѣ божьства троична же лици и сьставьми своиства Ѡтьца глаголю и ѥди|4|нороднаго ѥму сына и светаго и божьствьнаго доуха ꙗкоже доухнасишен`наꙗ уста божьствьнихь пророкь прѣдаше |5|и апостоли научише моученици исповѣдаше и црькви запечатлѣ ѥдиною вѣрою. Ѡт[ь] нѥѥ же православиѥмь укрѣпише се |6|и благочьстиꙗ вѣньци украсише се, благовѣрн`ни и христоименити цариѥ иже сь правдою на земли пожившеи |7| и велеразумно своѥ управльшеи ц(а)р(ь)с(т)во и сушимь под[ь] ними дари и почьсти коѥмуждо по мѣрѣ и по достоꙗнию |8| раздѣливаше и раздавьше. Тѣмьже и азь, вь Христа Бога благовѣрнни и Богомь поставлѥнни и самодрьжав`ни Стефань |9| Урѡшь ЦАРЬ Срьблѥмь и Грекомь Поморию и Западнимь странамь вьнукь пр[ѣ]под[о]бнаго и богоноснаго ѡтьца |10| Симеѡна Неманѥ новаго мѵротoчца и светаго и великаго вь светителѥхь Сави, прьваго пастира и про|11|свѣтителꙗ земли срьбьсцѣи и по нихь кралѥвьствовашихь землѥю срьпскою сынь же благочьстивѣишаго|12| и великаго вь царихь прьвовѣнчаньаго цара Стефана и сего благочьстивиѥ и христолюбивиѥ царице авгу|13| стиѥ кѵра Єлисавети сихь царьству и благочьстию прѣѥмникь тьше се и молитвѣ и благословлѥнию |14| тѣхь бити наслѣдьникь заповѣданнаꙗ ми тѣми усрьдно испльнꙗю. Єльма же повелѣ и устави г[ос]п[о]жда |15| и мати царьства ми записати селиште на Струмѣ башину Патрикѥву шо ѥсть приложила монастиру царства ми Хиландару помѣна рад[и] родителꙗ царьства ми господина светопочившега цара Стефана. Сию заповѣдь и прошение |17| ѥѥ испльнивь записую златопечатнимь симь СЛОВОМЬ царьства ми вишеписанноѥ селише Патрикиѥво |18| тои светои ѡбитѣли прѣчисте Богородице хиландарьские сь всѣми мегꙗми и правинами и метохомь |19| села того да си ѥ има вь всаку свободу волю ꙗкоже и проче метохиѥ своѥ ѥлика има искони и ѡть |20| прьва тѣмьжде ѡбразомь и се да има никимь неѡтьѥмлѥмо до вѣка. И молю ꙗкоже изволи Богь и по мь|21|нѣ царьствовати сиѥму златопечатному СЛОВОУ царьства ми непотворенну бити ни поврѣжденну |22| нь паче да прѣбиваѥть вь всакомь утверьждени и свободѣ чистѣ сиѥ златопечатноѥ СЛОВО |23| царьства ми и ником непоколѣбиво до вѣка. Записа же се сии хрисовуль вь лѣт(о) •҂Ƨ•Ѡ•Ѯ•Ө• инди|24|ктиѡнь •ДІ• |25| +СТЕФАНЬ ОУРѠШЬ БЛАГѠВѢРНИ ЦАРЬ СРЬБЛѤМЬ И ГРЬКѠМЬ+ |26|+Г[ос]п[о]жда светаа царица сама повѣлѣ сама у Серѣ градѣ Каснији записи: 1. + Хрисвуль за Патрикѥво 2. Белешка монаха Никандра из XIX века: Хрисвуль цараѧ Стефана и копие егѡ в`немъ дань монастирю за селѡ оу Струми оу серскои державѣ. Въ нем же ѡписуеть села того всѧ граници по прошенїю матере своѧ бл(а)гочествїѧ царици Єлисавѣти. 3. Хрїсов(ул) ц(а)ръ Стефан явяет за села оу Струм(и) 4. 6869; 39. ЅЇ: 16

Source Fulltext: D. Trbojevic