Ego Nikolaus rcctor ecclesioe in Stadelau tenore confiteor praesentium, quod sanae devotionis inductus spiritu in novella plantatione Celloe angelorum altare in honore sancti Thomae apostoli et Nicolai confessoris fundavi illoque a me in paramentis, libris, calice et aliis necessariis ad divinum cultum spectantibus solenniter expedito dotavi illud per domum meam Wiennoe ante curiam domini mei Pataviensis episcopi sitam assignans eandem juxta consuetudinem civitatis Wiennensis cum omnibus pertinentiis suis cum omni jure, quo possedi eandem, venerabili domino Christiano abbati praedictae ecclesiae angelorum per manum domini Jacobi Judei civis Wiennensis, ad quem eadem domus pertinuit ratione fundi, de cujus jure titulo juris civilis annis singulis sex denarii ministrantur eidem tali modo, quod in praedicto altari omni die perpetuo ad honorem dei et sanctorum suorum pro animoe meae remedio una missa debeat celebrari. Ego quod dictam domum a praedictis abbate et conventu sub censu unius talenti usualis monetae solvendi singulis annis in festo sancti Georgii ad vitae meae tempora debeam obtinere meque sublato de medio dicta domus cum proprietatis dominio et possessionis commodo ad sepe dictam Cellam angelicam libere revertetur nullique quicquam juris competet in eadem jure civile duntaxat excepto. In cujus rei testimonium praesentes dedi litteras et procuravi sigilli reverendi patris domini mei Wernhardi venerabilis Pataviensis episcopi et domini Cunradi de Willering et meo sollempniter sigillari. (Hic enumerantur plures testes.) Datum Wiennoe anno domini millesimo ducentesimo nonagesimo septimo, decimo Kalendas Decembris.

Source Fulltext: OÖUB 6 (Wien 1872), Nr. 16 (Anhang), S. 588