Fridericus dei gracia dux Austrie et Styrie, dominus Carniole, Marchie ac Portus naonis universis presencium inspectoribus graciam suam et omne bonum. Noveritis nos privilegium honorabilium in Christo abbatis et conventus Celle angelice cysterciensis ordinis Pataviensis dyocesis recepisse per omnia in hec verba:||
Hic inseritur totum diploma Alberti (vide a 1297. 10. Februarii).||
Nos igitur divine retribucionis intuitu . . . . quem erga ejusdem novelle plantacionis promocionem gerimus inconcusse, non solum dictum privilegium et omnia in eo contenta de verbo ad verbum verum eciam cupientes eisdem abbati et conventui Celle angelice dispensative facere graciam specialem omnes possessiones et redditus quos usque ad datam presencium possident justis titulis aequisitos presencium literarum patrocinio innovamus approbamus et de certa sciencia confirmamus statuto nostro, quo cavetur et inhibetur, ne clerici, religiosi vel ecclesiastice persone ex nunc in antea possessiones et redditus in terris nostris debant comparare aliquatenus non obstante. Quam tamen graciam ipsis religiosis faciam ad futuras possessiones non duximus aliqualiter extendendas. In quorum omnium testimonium sigillum nostrum duximus presentibus literis appendendum. Datum Patavie anno domini millesimo trecentesimo undecimo quarto kalendas Aprilis.

Source Fulltext: OÖUB 6 (Wien 1872), Nr. 49 (Anhang), S. 611f.