Joannes episcopus servus servorum dei venerabili fratri episcopo Pataviensi salutem et apostolicam benedictionem. Significarunt nobis dilecti filii abbas et conventus monasterii de Cella angelorum cisterciensis ordinis, Pataviensis diocesis, quod universitas civilatis Pataviensis et collectores deputati ab eadem universitate ad exigendum tallias et collectas, quae laicis ipsius civitatis pro tempore imponuntur ac alii officiales ejusdem civitatis eosdem abbatem et conventum ad contribuendum cum eis in eisdem talliis et collectis compellere propria temeritate praesumunt in ipsorum abbatis et conventus prsejudicium et derogationem ecclesiasticae libertatis. Quocirca fraternitati tuae per apostolica scripta mandamus quatenus, si est ita dictos universitatem collectores et officiales, quod ab huius modi presumptione omnino desistant, monitione premissa per censuram ecclesiasticam appellacione remota previa ratione compellas. Testes autem qui fuerint nominati, si se gratia odio vel timore subtraxerint, censura simili appellatione cessante compellas veritati testimonium perhibere. Datum Avinione XIII. Kalendas Januarii ponlificatus nostri anno undecimo.

Source Fulltext: OÖUB 6 (Wien 1872), Nr. 76 (Anhang), S. 634f.