In Christi nomine amen. Albertus dei gracia episcopus Pataviensis omnibus in perpetuum. Cum et plantare sacram religionem et plantatam fovere canonica traditione debeamus id rectae sollicitudinis studio adirnplere credimus, dum novellas aedium edendorum (sic) monasteriorum plantationes benigno favoro prosequentes ipsas a temporaliam rerum destitutione pro posse relevamus, quatenus personae mundo mortuae inibi altissimo famulantes a secularibus ocupationibus sequestrate limpidius vacare valeant otio contemplandi; hac igitur animadversione ad dilectum in Christo monasterium Celle angelorum cisterciensis ordinis nostre dyocesis a dive recordationis quondam domino Werenhardo predecessore nostro fundatum et juxta primaevum possibilitatis modulum tunc dotatum considerationis nostre intuitum dirigentes dictique predecessoris nostri plantulam in germen fructiferum fecundare cupientes decrevimus ipsam ampliori rerum temporalium commodo ubertate, ut regularis disciplinae observancia quam ibidem divina erudicione graciante vigorose fervere cognovimus, ex defectu necessariorum decrescat. Prehabitis igitur super hoc capituli nostri consilio et consensu ecclesiam parochialem in Schönring ad nostram disposicionem pleno jure pertinentem cum omnibus juribus et pertinenciis suis eidem monasterio pro antecessorum nostrorum, nostre nec non successorurn nostrorum animarum remedio et salute donavimus libere et concessimus ipsi appropriantes et incorporantes eandem omni jure modo et forma, quibus melius et efficacius possumus et valemus suis usibus deinceps profoturam et ab ipso perpetuo possidendam proviso tamen, quod quoties ecclesiam ipsam succesu temporis vacare contigerit, abbas dicti loci, qui pro tempore fuerit, aliquem vicarium secularem idoneum ad curam et regimen ipsius nobis vel successoribus nostris, qui tunc supervixerint, canonice presentare debebit, cui per nos seu successores eosdem legitime instituto de fructibus, redditibus et proventibus ipsius ecclesia; tantum juxta moderacionem nostram seu eorundem successorum nostrorum reservabitur, quod cum consueto hactenus capellanorum et aliorum servitorum ministerio absque soliti cultus divini diminucione commode valeat sustentari et hospitalitatem debitam, ac quaevis alia jura ab inde hactenus solvi consueta nec non et quecunque alia ipsius ecclesie onera congrue supportare. In quorum omnium et singulorum pleniorem evidenciam et futurorum memoriam presens scriptum edifecimus nostri et prefati capituli nostri sigillorum appensione roboratum. Actum et datum Patavie anno ab incarnatione domini millesimo trecentesimo vicesimo sexto. septimo idus May.

Source Fulltext: OÖUB 6 (Wien 1872), Nr. 74 (Anhang), S. 632f.