Nos Otto dei gracia prepositus ecclesie Pataviensis et magister Petrus canonicus ibidem et protonotarius civitatis ejusdem presentibus profitemur, quod cum honorabiles et religiosi viri Dominus Heinricus abbas monasterii Cellae Angelorum Cysterciensis ordinis et conventus ibidem ex una parte, et discretus vir Dominus Wulfingus plebanus in Gunschiren (sic) parte ex altera super questione seu lite, que inter eos de quodam servitio et agris quibusdam ad predium in Hofmansperig spectantibus vertebatur, in nos tanquam arbitros et arbitratores seu amicabiles compositores sub certa pena decem librarum denariorum Pataviensium reverendo in Christo Patri et Domino nostro Domino Episcopo pataviensi et decem librarum nobis solvendarum compromiserint, promittentes utrumque Dominus abbas videlicet pro se cum conventu suo et Domininus Wulfingus pro se, cum successoribus suis, ac a plebecanis bona fide nostro laudo arbitrio, et promulgacioni stare nee contravenire verbo vel facto. Nos consideratis juribus et informacionibus paratis utriusque et ad plenum discussis pronunciamus arbitratum et dicimus, quod Dominus abbas Cellae Angelorum et conventus ibidem dictum predium Hoffmanisperg cum agris adjacentibus, sicut hucusque tenuerunt, imposterum tenere et possidere debebunt libere et quiete nec a Domino Wulfingo seu successoribus, seu parochianis suis, seu a quibusvis aliis inquietari debebunt aliqualiter in promissum (sic) ipsi vero prefatus Dominus abbas et conventus solvent Domino Wulfingo suisque successoribus singulis annis........

Source Fulltext: OÖUB 7 (Wien 1876), Nr. 90, S. 89