[13. August 1450] Anno 1450., scilicet anno jubileo, in die sancti Ypoliti, premisso officio solempniter de sancto Spiritu decantato273 per dominum abatem de sancta Cruce, presentibus pluribus prelatis, scilicet preposito de Neunburga Claustrali et preposito ad sanctam Dorotheam etc., eciam presentibus pluribus nobilibus, ut comite Pernhardo de Schawnberg, N.274 magistro camere regis Romanorum, et ceteris275 et presente rectore universitatis Mag. Conrado de Halstat cum ceteris doctoribus ac magistris et pedellis cum virgis argenteis precedentibus et canonicis et octernariis etc. una cum prelatis predictis infulatis, finito officio processionatim et cum reliquiis in fossam fundamenti turris in latere beate Virginis intrantibus et nobilibus276, rectore cum doctoribus et consulibus, civibus et pluribus aliis in magna multitudine insequentibus, positus fuit lapis primus angularis versus orientem pro fundamento turris predicti per prelatos predictos oracionibus et cantu et eciam positus fuit lapis domini Fridrici, regis Romanorum, penes precedentem lapidem et consequenter edificatum fuit fundamentum et totum completum ante festum sancti Cholmanni eiusdem anni. Et hoc pro memoria.277