[26. November 1453] Mag. Iohannes de Prawnaw 1453. in crastino sancte Katherine fuit electus in decanum propter absenciam suppositorum et suspensionem leccionum usque ad prenominatum tempus, vigente pestilencia; qui facta computacione recepit a precedenti decano ladulam cum peccunia reclusam, sicut precedens decanus eam receperat, propter absenciam doctorum seniorum claves habencium, quorum unus fuit Mag. Petrus Volcian pie recordacionis, qui obiit eodem anno. Sed postea clavibus356 inventis reperi 34 flor. Ungaricales, 8 flor. Renenses et 1 tal. et 2 den., de quibus secundum commissionem facultatis dedi precedenti decano 12 tal. 5 sol. 25 den. et hoc pro expositis pro stabulo novo, quod constetit secundum suam computacionem 21 libr. den., et ego feci fieri duas cannales ex tegulis concavis ad foveam sub stabulo directe sub cruce signato in pariete stabuli et habet fovea superius testudinem, in cuius medio est foramen pedale quadratum ita profunde sub terra situm, sicut crux est in pariete exaltatum a terra, et pedello dedi 12 sol., quod facit 14 tal. et 55 den.357 Item ex parte cannalium dictarum et elevacione canne in tecto et fenestre super cannam magnam et ex parte tecti ante celarium 9 sol. 14 den. Item ex parte commodi novi sub tecto 11 sol. 8 den. Item in septem congregacionibus pro vino 5 sol. 26 den. Item pro convivio cum apotecariis concessi de archa facultatis 4 flor. Ungaricales: facit 7 tal. 18 den.358