[5. März 1461] 1461., quinta die Marcii530, fuit congregacio facultatis super articulis duobus, quorum unus erat ad audiendam peticionem cuiusdam religiosi, qui fuit frater Mag. Caspar, olim doctoris medicine; qui cum honestis personis, scilicet Mag. Paulo, decano facultatis juris, et Mag. Georio de Giengen, doctore theologie, et Mag. Nicolao de Aulon, petens [sic!] ut facultas medicine dignaretur consentire, quod sibi cederent libri fratris sui vel saltim libri theoloicales ad minus.531 Quia prenominatus dominus doctor Mag. Caspar Frue de Tettenhaim decessit intestatus, et secundum tenorem cuiusdam previlegii [sic!], quod canit, quod libri decedentis intestate debent manere apud librariam sue facultatis, decanus facultatis medicine in quodam pleno consistorio requirens tales libros, fuerunt sibi concorditer per omnes decanos aliarum facultatum et procuratores libri decreti; tamen facultas medicine volens benigne agere, remisit primo prenominato religioso pro memoria fratris habenda et pro incremento monasterii sui omnes libros theoloicales. Et cum adhuc instaret et multum pensaret alios libros, et facultas considerans, quod libri essent modice utilitatis et quod possent procurari utiliores facultati pro pecunia, et ne videretur multum gravari, remisit sibi eciam omnes alios libros pro 10 flor. Ungaricalibus, quos post hoc decano dedit et libros servavit.

Secundus articulus fuit ad audiendum peticionem Mag. Nicolai Molitoris de Ratisbona532 pro examine ad gradum baccalariatus petentis; qui exauditus, examinatus et concorditer promotus fuit. Et ante hoc in quadam congregacione Mag. Stephanus533 petivit pro examine ad gradum baccalariatus et statim exauditus, examinatus et promotus fuit.

Item percepi 14 den., 22 sol. 16 den. et 10 flor. Ungaricales a religioso, fratre Mag. Caspar, qui libre [sic!] promisit dare 10 flor. Ungaricales eciam non respiciendo libros, quia audivit, quod singulis annis habetur memoria et anniversarius omnium animarum suppositorum eiusdem facultatis, et sic post hoc dando 10 flor. Ungaricales promissum implevit. [fol. 49v]534

Ille locus dimissus est vacuus, quia tunc decanus Mag. Iohannes Kirchaim acta sua non conscripsit. Nec decanus Mag. Caspar Grisenpeck, dominus doctor; et quia in decanatu Mag. Iohannis de Chirchaim petiverunt duo baccalarii in medicinis admitti ad examen pro licencia in eadem facultate et ad presentandum domino cancellario vel tenentes vices ipsius locum, et hoc non est scriptum et plura alia.535

Item Kircham non scripsit acta nec presentavit ladulam tempore debito cum pecunia et libris, quare merito a facultate est exclusus juxta conclusionem conclusam anno Domini 1402., Mag. Iohannis Schroff de Falle Eni in decanatu, videlicet quod quilibet decanus in fine decanatus debet facere racionem in presencia facultatis; quam racionem si decanus non fecerit, ipso facto est exclusus a facultate.536 [fol. 50r]

Acta Mag. Iohannis Kircham sicut sunt scripta, ita sunt pessime facta.537 [fol. 51r]538

[1461/ 1462]