Universitätsarchiv Wien, Cod. Med 1.2 AFM 1436-1501
[20. August 1438] Item 20. die Augusti mensis congregata fuit facultas ad deliberandum super articulis infrascriptis, quorum primus fuit ad recipiendum computum a Mag. Iohanne de Pawngarten, inquilino domus facultatis.90 Pro illo articulo fateor, quod Mag. Iohannes de Pawngarten, arcium et medicine doctor, computum fecit coram tota facultate et defalcatis defalcandis restant per eum solvi ad instans festum sancti Michaelis 13 libr. den. et non plus nec minus.91
Item dedi prefato domino doctori 19 den. in computo, quia facultas sibi tenebatur. Item dedi pro vino 2 grossos pro una octava.
Secundus articulus fuit ad cogitandum, quod domus facultatis libro fundi inscribatur. Facultas super isto articulo deliberavit in hunc modum, quod decanus una cum Mag. Iacobo Stokchstal diligenter laborarent apud libri fundi assessores, quod domus facultatis eidem libro inscriberetur et prefati doctores summa diligencia modum pretactum attemptaverunt, sed nichil obtinuerunt.
Item postea decanus ascendit ad dominum abbatem Scotorum et eundem rogavit ex parte domus facultatis, quatenus inscriberetur; dominus vero abbas respondendo dixit: Facultati vestre complacere debeo et volo in quibuscumque valeo, ita tamen, quod sit sine preiudicio juris nostri et libri fundi; et quantum potuit intelligere ex verbis suis, si facultas peteret unam cognicionem literatoriam negocii istius apud rectorem universitatis, quod sic esset actum, qualiter facultas proponit, dominus abbas fortassis esset contentus.[fol. 7r]92
- Acta Facultatis Medicae Universitatis Vindobonensis Vol. 2, Karl Schrauf, 1899
Notes:
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
