[26. Februar 1489] Quinta feria post Mathie iterum congregata fuit facultas in domo medicorum ad deliberandum super articulis subscriptis: Primus ad deponendum quandam differenciam inter duos doctores facultatis, scilicet Mag. Andream et Mag. Fridericum. Secundus ad audiendum supplicacionem cuiusdam doctoris petere volentis, ut admitteretur ad consilium facultatis, et fuit nomen doctoris Mag. Iohannes Numan. Cuius peticio fuit exaudita.861 Sed circa primum articulum fuit deliberatum et conclusum, primo ex quo Mag. Andreas se opposuit facultati et eius conclusioni et ultra prohibitionem eciam monitus ausus fuit legere in hora, que deputata fuit alteri doctori, quod deberet haberi periurus juxta ultimum statutum facultatis. [fol. 113r]

Secundo quod non deberet vocari ad aliquem actum facultatis nec admitti ad facultatem, nisi se emendaverit ad beneplacitum facultatis.

Tercio si peramplius maneret in suo proposito et ageret contra facultatem, deberet esse perpetue exclusus.

Quarto, et fuit primum, quod fuit conclusum in hac congregatione, quod omnia conclusa et acta in die Mathie essent rite et legittime862 etc. Hec omnia signavi de mandato et obediencia facultatis.863