[31. Mai 1490] Item ultima die mensis Maii, que fuit in die sancte Petronelle, congregata fuit facultas ad deliberandum super articulis subscriptis, quorum primus fuit: Ad deliberandum, quid expediat circa expedicionem conclusionis illius suprascripte. Et ibidem conclusum fuit concorditer, ut thesaurus facultatis reponi deberet in capella880 collegii ducalis actu sine dilacione; quod et factum est presentibus venerabilibus viris Mag. Georgio Schobly de Iesingen, Mag. Andrea Voberger, Mag. Foederico Grasel de Haidenhaim, decano, et Mag. Iohanne Newman ex Wienna, medicine doctoribus ad hoc per facultatem specialiter deputatis. Et extra archam protunc remanserunt in manibus decani prefati 4 tal. den. et 60 den. Wienn., de quibus exposuit infrascripta881:

Item 1 tal. den. pro reformacione ciste maioris et pro seris novis ad eandem.

Item pro malvatico 80 den.

Item pro vino novo huius anni 10 den.

Item pro peugel vel pastillis 2 den. [fol. 117v]

Secundus articulus fuit ad locandum domum. Circa secundum articulum, qui fuit de locacione domus, conclusum fuit ad peticionem Mag. Foederici Gräsel, in medicina doctoris, quod ipse domum teneret sibi locatam pro pristino superioris anni censu, puta pro 8 flor. Ungaricalibus882 a festo Michaelis proxime futuro per annum integrum sub pacto consueto alias superius expresso etc.

Ex disposicione et ordinacione facultatis ego Foedericus Gräsel comparavi et emi 2000 laterum et 10 cophinos calcis et 6 cophinos sabuli pro reformacione fumigalium aliquando fienda, quia in congregacione facultatis proxima conclusum fuit, quod fumigalia deberent reformari secundum mandatum883 comitis Stephani et Magistri civium, puta duci supra tectum sursum.