Universitätsarchiv Wien, UAW Cod. Med 1.4 AFM 1558-1605
[20. Juli 1570] Die 20. Julii redeuntes ad excelsum regimen proposuimus argumenta et petitiones facultatis in causa nostra contra Viennenses. Tentata est transactio, sed frustra, quia Viennenses nihil prorsus de proposito suo cedere voluerunt. Quare domini commissarii de regimine significarunt nobis, excelsum regimen daturum aliquod decretum de hoc negotio, quod sit nobis interea expectandum.
IX. Congregatio. A prandio hujus diei exposui in facultate ea, quae ante prandium in transactione tentata et gesta fuissent. Postea proposui aliud decretum [fol. 167r] regiminis de magistro sanitatis, quo illi diligens visitatio aegrorum injungitur. Missum est hoc decretum, (quod in actis N° XI habetur) a facultate ad ipsum magistrum sanitatis pro informatione, quam facultati obtulit scripto comprehensam N° XII.
Simul autem erat nobis injunctum, ut duos chirurgos, quos Viennenses ad magisterium sanitatis essent praesentaturi, examinaremus, cum unus non sufficiat.
Eos igitur chirurgos ad proximum diem sabbati, qui est 22. Julii ad examen venire jussi.
- Acta Facultatis Medicae Universitatis Vindobonensis Vol. 4, Leopold Senfelder, 1908
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
