[16. Februar 1573] Decima sexta Februarii comparuit apud me Christophorus Holtzschuecher, ante per pedellum facultatis nomine citatus. Interrogavi ipsum an secum haberet testimonium facultatis. Respondit, se originalia illius testimonii cum aliis suis rebus deposuisse apud quendam in Bohemia, opinari tamen se, quod copiae per notarium publicum cum originali collatas inter alia scripta hic Viennae habeat. Quesiturum se et mihi ex [fol. 189r] hibiturum. Dimisi hominem et jussi, ut quacunque die vocatus fuerit, denuo compareat et copias testimonii una adferat.