[15. Oktober 1676] 15. Octobris resolvit dom. Rostman sua puncta. Maria Teufflin obstetrix pro arte obstetricandi per 4 annos discenda proposuit Barbaram Bacherin.

Accusavit Tobias Stattelman lithotomum quendam nomine Michaelem Puchmayr eo quod filium suum ante sesqui annum in calculo secuerit calculum quidem extraxerit sed filium ita destruxerit ut nec guttam urinae per virgam sed per factam scissuram cum summo dolore cogatur emittere. Ego praedictum in Bavaria zu Windorff commorantem citavi qui comparuit in cujus praesentia filium scissum vidimus et scissuram non in perinaeo sed nimis alte in ipso scroto et transversim quidem factam invenimus. Proinde mulctatus fuit pro 30 imp. quos filio male curato propter dolores deponere debuit.

Maria Magdalena Leherin ancilla quaedam senicula 70 annorum huc ex Tyroli venit et ventris inspectionem per 4 seniores obstetrices rogavit ut virginitalis illaesae aftestationem habere possit cum de incostu fuisset accusata. Facta inspectione naturalia inventa fuerunt illaesa ideoque accepit testimonium. Etiam Wratislawia facultati casus decidendus fuit transmissus ratione vulneris inflicti supra claviculam ad os sternum sese extendentis. Cum autem controverterent doctores et chirurgi ibidem quisnam sit causa mortis an actor vulnerans an chirurgus male curans convocatis ex qualibet classe dom doctoribus [fol. 399v] ei casu bene examinato conclusimus et rescripsimus: Ex vulnere inflicto vulneratum evadere potuisse dummodo vulnus alio et meliori modo tractatum fuisset. Quia vero patientes sunt subinde inobedientes et facile contingere potest error in 6 rebus naturalibus ideo ex accidenti potius quam ex incuria vulneratus vitam cum morte mutavit.