[19. April 1606] I. congregatio. In prima hac congregatione primo ut facultas quid de

imaginis demandata restitutione fieri velit, definiret, petii. Ex votorum vero pluralitate,

concipiendum esse scriptum, inque eo causas, propter quas imago restitui nequeat

citra nimirum insignem facultatis ignominiam et aegrorum perniciem, exponendas,

conclusum fuit.

Secundo, admonui facultatem, quod singulis annis verno tempore novi

pharmacopoeorum examinatores tum ex colegio medico, tum ex pharmacopolarum

consortio eligere consuetudo requirat.

Ex nostro itaque medio pro anno hoc denominati fuerunt clariss. D. D. Martinus

Cuttigius et Conradus Collmannus. Pharmacopoei scripto a me admoniti, designarunt

Joannem Klele et Joannem Reuter.

Tertio, proposui libelum supplicem Balthasaris Sachs med. stud. vacans Emericanum

Stipendium petentis atque absente meo domino consuperintendente, quod unus in

stipendio locus vacaret, oretenus, retuli. Assensit itaque facultas et supplicanti

stipendium benigne contulit. [fol. 11v]

Ultimo de scriptis per pedellum transmittendis statutum fuit, quod ejuscemodi scripta

in absentia dominorum doctorum in aedibus ipsorum non sint relinquenda, sed ordine

a seniore ad juniorem perferenda, ita tamen ut junior spatium pro subscribendo voto

sufficiens relinquat, et pedellus seniorem illum denuo accedat.

Libellum porro supplicem B. excelso regimini exhibendum concepi et dominis

doctoribus examinandum ac corrigendum transmisi, approbatum etiam magnifico

domino regiminis cancellario tradidi; et 26. Aprilis cum regiminis decreto, quo restitutio

24

Hier soll die Notiz am linken Seitenrand: „phil. et. med. doct." eingefügt werden.

imaginis de novo injungebatur, recepi, quare de illo dominos doctores certiores statim reddidi, qui in congregatione deliberandum esse censuerunt.

[2. Mai 1606] II. congregatio. Quare die Mai 2. congregatis dominis doctoribus primo omnium praelibatum regiminis decretum proposui, verum ex sententiis admodum discrepantibus certi quid concludere non licuit, unde denuo per scriptum omnium dominorum doctorum praesertim absentium vota requirere opus fuit. Secundo, actum fuit de visitatione officinarum ex nova pharmaceutica reformatione instituenda. Conclusum est, cum decanus ex antiquiore quodam statuto perpetuus sit officinarum visitator, ut pro illius commoditate visitationes in posterum instituantur et domini examinatores decano in illis peragendis assistere teneantur, ita tamen ut et aliis, qui velint interesse aut a decano vocentur, accedere sit liberum. Tertio, ut D. D. Thiel de suo debito primo amice per literas admoneretur dein si renueret aut solutionem differret, coram suo magistratu accusaretur, fuit decretum. Verum propter statum hujus semestris nonnihil adhuc turbulentum et plura alia facultatis negotia expedienda, quo minus huic decreto satisfacerem, impediebar.

[4. Mai 1606] Quarto Maii scriptum C. pedelo, ut dominis doctoribus exhiberet, tradidi. in eo autem quatuor deliberanda proposui:

Responsum accepi:

Ad 1. quod ex unanimi dominorum doctorum consensu imago vetulae petenti cum

exprobratione et comminatione digna praesentibus dominis doctoribus Dominico

Pisello et Conrado Colmanno sit restituenda.25

Ad 2. Quod ex votorum pluralitate nomen "doctorin" ex titulo sit delendum et loco

urinalis colus sit appingendum.

Ad 3. Quod inquirere quidem liceat, nihil vero citra facultatis praescitum et assensum

tentare.

Ad 4. Quod consul assumpto uno ex doctoribus amice a me sit admonendus

ipsiusque responsum facultati referendum.26

Cum scripto D. significassem dominis doctoribus, quod 16 barbitonsor Mag. Henricus

Meyenzweig accepto quodam ex officina ad signum elephantis medicamento

violenter purgante [fol.12r] generum D. D. Collmanni, dominum Weinning excelsi

regiminis registratorem ferme occidisset, placuit dominis doctoribus, ut tum

barbitonsor tum etiam pharmacopoeus ad facultatis congregationem vocarentur.

[22. Mai 1606] III. congregatio. Convocatis itaque dominis doctoribus 22. Maii, primo nobilis et clarissimus vir, dominus Martinus Cuttigius sui decanatus acta legit, quae etiam approbata fuerunt.

Secundo, vocati sunt ad congregationem praefati, barbitonsor et pharmacopoeus, qui cum modeste et humiliter erratum excusarent, et in posterum ab hujuscemodi factis abstinere promitterent, eos ex facultatis decreto erroris et officii sui amice

admonui.

Tertio, quod consul a me et D. D. Rechpergero de agyrtis admonitus benevolum

se praebuisset inque illis abigendis modo commonefieret suam operam facultati

obtulisset, exposui.

Quarto, de modo visitandi officinas haec fuerunt decreta 1. cum haec visitatio

videretur nova et insueta insuper nec ego decanus nec examinatores unquam

visitationibus interfuissemus, adjunctus fuit nobis D. D. Pisellus.27

Ultimo, num adversus agyrtas et medicos externos aliquid moliri deberem, consului atque donec negotium nostrorum privilegiorum confirmationem concernens ab excelso regimine expeditum esset, quiescendum decretum fuit. In hac insuper congregatione quatuor statuta in posterum observanda fuerunt decreta:28

IV. Quod examinatores inspectoris mortuorum sint quidem decanus aut ab eosubstitutus et magister sanitatis, verum non examinent, nisi prius a balneatorumtribunis ex senatus decreto praesentetur et a facultate ad examen admittatur nec insola pestis dignotione, sed etiam bubonum et anthracum pestilentium curatione31examen instituatur. [fol. 12v]