[7. August 1621] 7. Augusti in tertia congregatione primo lecta et approbata sunt

acta D. D. Crafft et Olitorii.

Secundo ad petitionem Volcmari Thielo consensit facultas in apertionem theriacae

et Mithridatii.

Tertio privilegia nostra ab imperatore moderno Ferdinande confirmata denuo et

roborata facultati praesentavi.

Quarto produxi decretum B. ab excelso regimine transmissum propter magisterium

sanitatis. Ex jussu regiminis quidem cum D. D. Colmanno ut diutius hoc munus

administraret tractatum est sed absolute id renuit.

Et quia secundo per regiminis decretum monebatur facultas ut aut cum D.

Colmanno ulterius tractemus si forte persuaderi posset aut alium pro magistro

sanitatis denominaremus tractatum est cum D. Colmanno sed frustra.

Ideo ex nostro gremio denominatur regimini D. Joannes Petrus Canobius extra

facultatem D. Judex, Piperellus Rorer ut qui sint sine mercede nomine saltem

aulici medici ex sinistra informatione recepti gaudentes immerite privilegiatorum

gratiis et favoribus.

Quinto quia D. Guilielmus Mannagetta supplicaret ut ad facultatem reciperetur

simulque adderet a sacra caesarea majestate ac nuntio apostolico defectuum

supplementa suae promotionis judicavit facultas [fol. 106r] ne quid fierit in

praejudicium statutorum universitatis negotium hoc magnifico domino rectori et

venerabili consistorio insinuandum et inde determinationem hujus expectandum

esse.

Rector autem et consistorium facultati sic respondit: Spectabili domino decano et

inclytae facultati medicae insinuandum quod ubi D Mannagetta expressas

resolutiones obtinuerit tam a summi pontificis nuntio quam a sacra caesarea

majestate eum pro promoto authoritate apostolica et caesarea habendum et in

facultatem medicam recipiendum esse magnificus dominus rector et venerabile

consistorium facultati ulterius responsum dare velint.

Itaque denuo et tertia vice postquam D. Mannagetta expressas resolutiones

obtinuisset consistorium sollicitavimus pro ulteriori responso et determinatione

finali. Determinatio autem erat quod rector et consistorium adjacentia supplementa

legerint examinaverint et pro sufficientibus declaraverint decreverintque D. D.

Mannagetta praevia solita repetitione et praestitis praestandis in gremium

facultatis recipiendum esse ita tamen ne ab aliis hoc trahatur in consequentiam.