[14. Mai 1625] IV. congregatio 14. Maii. Lecta sunt et approbata D. Lucae Gollerei

acta.

Licet excelsum regimen pharmacopoeis serio mandaverat ut nulli doctorum extra

facultatem et citra privilegium aulicum practicantium praescripta medicamenta

conficerent attamen spreto hoc inhibitionis mandato non pauci fuerunt qui parvi

facerent regiminis decretum. Quaesitum igitur quomodo hi delinquentes essent

coercendi et ad obedientiam redigendi. Nihil conclusum.

D. D. Colmannus Emericanae fundationis superintendentiam resignavit.

Conclusum ipsum non esse dimittendum. Is contra protestatus est se prius non

accepturum quam de obligatoriis Eritii literis omnibusque aliis rebus cum beneficio

solennis inventarii sigillo facultatis roborato esset securus. [fol. 125r]

Accepta: Ab antecedente decano 5 flor. 15 cruc, a Balthasaro Bratez

pharmacopoeo 12 flor., a D. Häckelperger 6 flor., a Mag. Claudio Lopino ratione

examinis 4 flor. (Non solvit iste sed Wechler). Summa: 27 flor. 15 cruc.

Exposita: Bajulo cistarum 30 cruc, domino Theodoro Väsl pro expeditione

decretorum et transsumpto privilegiorum 3 flor., Trumbloro janitori excelsi regiminis

pro executione 10 decretorum et 10 supplicum libelorum 2 flor., D. Joanni

Wolfgango Diedenheim 6 flor., scribae pro duobus libellis supplicibus et privilegiis

describendis 1 flor., pedello salarium 3 flor. 45 cruc. Summa: 16 flor. 15 cruc.

Restant: 11 flor. 50 cruc.

Restant aerario facultatis apud Joannem Conradum Wechler ratione examinis 4

flor. apud Matthiam Müllner pharmacopoeum 12 flor. Insuper accepi a praecedenti

decano in longi valoris moneta 2 flor.88 [fol. 126r]

Acta decanatus III. Adami Olitorii a Grosswyck phil. et med. dr. professoris primarii sub rectoratu domini Georgii Siess art. et phil. mag. et canonici ad S. Stephanum.

Acta pauca admodum ob pestis desaevientis tunc pericula quae et me ipsum tangebant et quorum ratione sat diu ab urbe abfui.

Transmissum est ab excelso regimine decretum in quo informari voluit an praedicta pestis a vitio aeris ortum suum duxisset aut quae ejus causa esset deinde an potiores ea infecti morerentur insuper an magister sanitatis munus suum obiret demum quibus modis consulendum esset huic urbi ut ne tam saepe luis praedictae incommodis ac periculis subjiceretur.