[21. Juni 1633] III. congregatio 21. Junii. D. Matthaeus Müller admissus est ad sessiones facultatis.

Lectus fuit libelus supplex Joannis Cruttirez coronett Hispani chirurgi cubicularii serenissimae Hungariae reginae Ferdinandi III. conjugis qui non ita pridem a D. Thoma Mingonio phil. ac med. dr. comite palatino in doctorem chirurgiae promotus fuerat in quo primo petiit testimonium authenticum quod gradus doctoratus in chirurgia possit dari et de facto antehac fuerit datus et hic et alibi. Secundo utrum D. Sigismundus Geisler, D. Conradus Colmannus doctores de facultate qui interfuerant examini fuerint authentici legitimi et sufficientes examinatores. Qui libellus a rectore facultati pro informatione fuit transmissus. Respondit facultas se non scire nec invenire in actis unquam hic Viennae aliquem chirurgiae doctorem fuisse promotum alibi tamen ut in Galia et Italia ejusmodi fuisse promotos constare.

Secundo fuisse illum examinatum a doctoribus approbatis et sic ad instantiam

serenissimae Hungariae reginae conclusit facultas supplicanti dari posse

attestationem quod sit promotus chirurgiae doctor a D. D. Mingonio comite palatino

[fol. 154v] monitum tamen fuit ut nemo in posterum ex facultatis gremio hujusmodi

actibus intersit.

In eadem congregatione electus est in commissarium rationum D. Joannes

Häringshausn.

IV. congregatio. Lectum fuit decretum excelsi regiminis a rectore et consistorio adnos transmissum in quo petitum fuit ut grassantibus et in dies magis serpentibuspestilentibus febribus aliquem de nostro gremio pro magisterio sanitatisnominaremus. Respondit facultas ubi certum stipendium et commoda habitatiofuerit assignata D. Adamum Hillebrandt id oneris in se suscipere cogitare. Interimsupplicarunt pro hoc officio apud excelsum regimen D. Severinus Carl et quidamItalus qui se nunc Julium Caesarum Ciccarelli nunc vero Gio. Antonium de Petrisnominabat et chirurgum profitebatur quorum supplices libelli ad facultatem proinformatione transmissi sunt. Responsum fuit D. Severinum Carl non esse denostro gremio nec constare de ipsius eruditione cum Viennae sit adhuc ignotus.Illum vero Italum non esse sufficientem pro hoc officio nec deesse chirurgos civesin urbe qui manualem operam infectis personis ubi requisiti fuerint sintadministratum.

Quidam alius empiricus Italus Hannibal Bottinoni magisterium sanitatis ab imperatore instanter sollicitabat qui tandem per decretum caesareum examini fuit adjudicatus et examinatus. Qui cum linguae latinae et germanicae non esset peritus et nonnisi quaedam medicamenta quae secreta dicebat proclamarat nec eadem ul li manifestare vellet judicavimus neque illum pro hoc officio fore aptum. Itaque D. Adamus Hillebrandt magister sanitatis fuit ab excelso regimine susceptus et stipendio annuo satis honesto ac commoda habitatione fuit promotus.

V. congregatio. Literas quas dominus officialis et consistorium dioecesisViennensis ad facultatem transmiserant protuli in quibus significaverunt nobilemquandam foeminam Elisabetham Veithin a Leobepech [fol. 155r] contra maritumsuum dominum Adolphum Veith a Veithshonen litem movisse ac de ipsiusfrigiditate sive impotentia virili ad matrimoniam quod jam ante sex annoscontraxerant annullandum conquestam esse quo in negotio ad ferendamsententiam examen et inspectionem requisiverant.

Unde quatuor de facultate commissarii electi sunt D. Mannagetta, D. Geisler, D. Colmannus, D. Olitorius et dominus Joannes Neander chirurgus fuit adjunctus a quibus praedictus Adolphus Veith a Veitshonen examinatus et privatim a D. Geisler et D. Colmanno sic et Neander chirurgo inspectus et ita consideratis considerandis domino officiali et consistorio responsum fuit praenominatam personam esse virum imprimis aetate florentem, sanguineum, musculosum, optime nutritum instrumenta generationi inservientia convenienter constituta internarum partium ut jecoris cordis cerebri sic et spinae dorsi totiusque nervosi generis nec ullum alicujus laesionis apparere indicium. Ex quibus manifeste constaret superius dictum Veith a Veithshonen neque maleficiatum neque frigidum esse et vitium seminis ac partium genitalium si quae sunt arte medica corrigi posse conclusum. Praeterea scripto satis longo ab Alexandro Thomo j. u. dr. Jobst Mittermayer civilis chirurgus apud facultatem fuit accusatus quod enim a praedicto chirurgo fuisset deceptus in hoc quod promisisset se docturum illum verum modum conficiendi aurum potabile quo posset 24 horarum spatio curare lepram, podagram, paralysin et ejusmodi pro qua arte praedicto chirurgo obtulisset scyphum argenteum pondere 4 marchiorum et insuper 50 taleros imperiales sed cum rem legisset et penitius inspexisset se vidisse quod fuisset merus dolus ac fraus unde repeteret

sua praemia. Ad quam rem melius intelligendam conclusum fuit vocandas esse partes privatim in praesentia unius aut alterius de facultate doctoris et sic 28 Septembris comparuerunt ubi chirurgus respondit se habere quendam modum conficiendi spiritum urinae quo aurum solvi posse intellexisset et eundem modum constanter fuisse a D. Thorno sollicitatum et praemia praedicta illi ultro oblata quae tamen cum conditione accepisset nunquam autem promisisset esse verum modum conficiendi aurum potabile neque haec praemia se amplius restituere posse cum jam consumpsisset respondit et sic ad aliud forum illos dimisimus.