[5. Mai 1639] II. congregatio 5. Maii. D. Casparus Hölbling et D. Wolffgangus Höffer ante abitum (uterque enim conditionem extra urbem habuit) ad consilia admitti petierunt. Consensit facultas.

Ingenui adolescentes Thomas Ferdinandus Rödl, Joannes Adamus Grim et Nicolaus Hoffmann art. et phil. mag. et med. bacc. assignationem solicitaverunt materiae pro consequendo licentiae gradu disputandae. Missi sunt ad dominos professores quod idem contigit Wolffgango Plöckner, Georgio Prol, Joanni Baptistae Juritsch, Ferdinande Kyrribbio et Thobiae Czashelio, materiam pro baccalaureatu disputandam [fol. 182r] petentibus.

Quidam professione quondam nunc vero conditione miles nomine Josephus de Foliati producto coram nobis lapide insignis magnitudinis ad formam bezoar orientalis artificiose conficto, quo se a Virgilio Constanti, quondam Judaeo deceptus esse asserebat, rogavit velimus contra dictum Constanti apud consilium bellicum actionem intendere, ut ab eo falsus Nie lapis tanquani medicamentum inutile et damnosum auferatur ne forsan Nie aliquando a possessore divendi et ab emptore cum periculo aegrorum distrahi possit. Respondit facultas sibi non videri consultum alterius litem suam facere sed dato de falsitate lapidis testimonio hominem dimisit.