[5. September 1639] Die 5. hujus incoepta est visitatio officinarum et 15. feliciter finita. VI. congregatio. Postquam archidux Leopoldus Wilhelmus volente vivo adhuc principe de Stadian112 ordinis Teutonici per Germaniam magno magistro cum fratrum ordinis consensu magnus magister electus et solenni pompa, consueto crucis insigni ordinarioque sacrae hujus confraternitatis habitu in templo patrum Augustinianorum praesentibus imperatore Ferdinando III. fratre totiusque aulae potentioribus omni populo applaudente 22. Augusti insignitus condecoratusque fuit, fuit etiam simul proclamatus generalissimus exercitus militiae imperialis in Bohemia contra Sueticum tyrannum Panirium113 regni districtus ferro et igne devastantem quam ob rem ut vocationi satisfaceret et publico christianae reipublicae exitio subveniret ad iter so 19. Septembris ineundem omni cum necessario apparatu praeparavit. Cum quo quia mihi conditionis ratione discedendum [fol. 185v] erat institui congregationem in qua collatum est Joanni Chrysostomo Irmler et Joanni Georgio Stainer med. stud. stipendium Emericanum. Resignavi decanatum.

Accepta: Ex secundo decanatu remanserunt 50 flor., a D. Greisl 21 flor., a D. Werner 21 flor., a D. Hölbling et Höffero sessionem capientibus 6 flor., a 4 nuper promotis sessionem capientibus 12 flor., a Wernike chirurgo 9 flor., a Magno Clemente pharmacopoeo 9 flor. Summa: 128 flor.

Expensae: In cista relicti sunt post meum discessum 44 flor., pro materia ad novum habitum 62 flor., sartori 8 flor., pedello 9 flor., pro arrestando anabaptista subjudici 3 flor. Studioso pro describendis supplicibus libelis 1 flor. 50 cruc. Summa: 127 flor. 50 cruc. Restant: 50 cruc. Leon. Mylgiesser Dr. m. p. Vicedecanatus D. Mannagettae. [fol. 186r]